A concelleira de Innovación e Promoción económica, Rosa Abuín, desprazarase o luns a Pontevedra co obxecto de manter unha reunión de traballo coa delegada provincial de Innovación e Industria, Montserrat Prado. A intención de Abuín e demandar o apoio do departamento autonómico a varios proxectos a desenvolver por parte da súa Concellería nos eidos do comercio e o turismo.

26 xullo 08. A primeira das iniciativas que a concelleira do BNG trasladará á delegada provincial será o desenvolvemento dunha campaña de dinamización do comercio local, un proxecto co que Rosa Abuín pretende botar unha man a este importante sector da economía vilagarciá, un dos que, previsiblemente, se verá máis afectado pola crise xeral que se está a vivir.
Preme no titulo para ler a nova completa.

O Consello Comarcal do BNG avaliou moi positivamente a asistencia aos actos realizados no Salnés da campaña “Cremos no noso país” preparatoria do Día da Patria, un Día da Patria que contará cunha nutrida representación da nosa comarca

24 xullo 08. O Consello Comarcal do BNG na súa última reunión ordinaria antes do verán celebrada nesta semana, avaliou o traballo desenvolvido pola organización nacionalista na nosa comarca ao longo dos últimos meses, salientando a receptividade dos veciños e veciñas á campaña “Cremos no noso país” coa que preparou o Día da Patria 2008.
Preme no titulo para ler a nova completa.

A concelleira lembra ao portavoz de IU que é a primeira vez que as ludotecas teñen unhas bases, para favorecer ás familias con menos recursos

23 xuño 08. Diante das últimas manifestacións do portavoz de IU, nas que tildaba de “ineficaz” á concelleira da Área de Igualdade e Benestar, Ana Lorenzo, esta non pode menos que “lamentar que unha vez máis o señor Fajardo recorra á mentira, ó engano e á manipulación para tentar sacar réditos políticos”. Ao portavoz de Esquerda Unida, di Ana Lorenzo Fraga, “voulle facer non só un informe, senón varios, a ver se dunha vez por todas se entera antes do que fala e deixa de dicir barbaridades que o único que fan é deixalo en ridículo. As súas críticas carecen do máis mínimo rigor, e de feito él mesmo di que pedirá informe para coñecer a situación das ludotecas. Ou sexa: primeiro acusa e minte e logo pide informes”.
Preme no titulo para ler a nova completa.

A velada do sábado 7 de xuño ás 23:00 h. terá unha banda sonora integramente galega. Os grupos Ruxe Ruxe e XS-Trume serán os protagonistas do concerto “O son da túa lingua” que se celebrará na Praza do Castro no marco dunha iniciativa conxunta desenvolvida polas concellerías de Xuventude e Cultura.

4 xuño 08. O evento musical orientado á mocidade ten unha importante carga de compromiso lingüístico, de aí que no cartel do concerto figuren dous dos grupos musicais do país máis representativos por cantar en galego. Deste xeito, os departamentos que dirixen os nacionalistas Ana Lorenzo e Xosé Castro Ratón pretenden fomentar e normalizar o uso da nosa lingua entre a mocidade e tamén no seu tempo de lecer. De feito, o acto enmárcase e pecha a programación de dinamización lingüística desenvolvida ao longo nas últimas semanas en torno á celebración do Día das Letras.
Preme no titulo para ler a nova completa.

A proxección deste filme, en Vilagarcía de Arousa, terá lugar a partir deste venres, 30 de maio e durante toda a 1ª semana de xuño nos Multicines Gran Arousa.

29 maio 08. Galiza Nova amosa publicamente o seu apoio ao filme, e a todo o cinema galego feito na nosa lingua, e anima as mozas e mozos da comarca a acudir a calquera das sesións que dende este venres e ata o próximo xoves se van a proxectar en Vilagarcía de Arousa .
Preme no titulo para ler a nova completa.

Declaracións da nacionalista Ana Lorenzo, conselleira de Benestar e Igualdade no Concello de Vilagarcía de Arousa, ante a visita do vicepresidente da Deputación de Pontevedra ao comedor social de Cáritas.
“As axuda da Deputación aos colectivos sociais da cidade son de agradecer, aínda que poderían ser moito máis elevadas”

27 maio 08. Paréceme moi triste ver a un dos máximos representantes da Deputación Provincial utilizar temas tan sensibles como son os relacionados coa prestación de servizos sociais por parte de colectivos benéficos ou sen ánimo de lucro para saír na foto vendendo a todo bombo unhas axudas que, aínda que son de agradecer porque sempre son poucas, por desgracia, non se axustan ás posibilidades nin a suma que debería aportar unha administración cos recursos e da entidade do organismo provincial.

Nesta ocasión é o vicepresidente da Deputación, o Sr. José Juan Durán, o que sae na foto da cociña do comedor social de Cáritas anunciando a subvención de 18.000 euros para este colectivo social. Insisto en que toda axuda é de agradecer, pero chama a atención que un simple Concello como o noso, con recursos limitados e moitas entidades ás que atender, só a Cáritas concédalle no convenio deste ano 22.000 euros para o mantemento do comedor social. Por certo, unha axuda que non é puntual xa que este convenio vén de anos atrás.
Preme no titulo para ler a nova completa.

A deputada do BNG pede que se recapacite sobre este proxecto construtivo a fin de que se reduza o impacto ambiental, económico e social na zona

Madrid, 26 Maio 08. A deputada do BNG no Congreso, Olaia Fernández Davila, rexistrou unha proposición non de lei na Cámara Baixa na que insta ao Ministerio de Fomento a revisar o proxecto de construción dos viais de acceso ao Porto de Vilagarcía de Arousa e á AP-9 e a ter en conta a proposta realizada polos veciños da parroquia de Rubiáns.

A deputada do BNG salienta que tamén “é preciso revisar este proxecto no que atinxe ao acceso ao Hospital comarcal de O Salnés, de xeito que se garanta unha conexión adecuada e segura ás dependencias hospitalarias xa que o Plano de Fomento non garante este aspeito”.
Preme no titulo para ler a nova completa.

O deputado Fernando Blanco Parga chama a atención sobre a elevada cifra de sinistralidade no traballo dos últimos meses

20 Maio 08. O portavoz en materia de Emprego do grupo parlamentar do BNG, Fernando Blanco Parga, vén de rexistrar unha pergunta para a súa resposta escrita na que se interesa polo sinistro laboral no que perdeu a vida un traballador esta mesma mañá en Vilagarcía de Arousa.
Preme no titulo para ler a nova completa.
Preme no arquivo achegado para le a pergunta rexistrada.

• O conselleiro de Innovación e Industria, Fernando Blanco e o director xeral de Distribución de Gas Natural, José María Almacellas, presentaron o proxecto de gasificación do polígono, que ten un orzamento superior a 500.000 euros.
• Fernando Blanco destacou que esta actuación se suma á mellora da subministración eléctrica do polígono que o seu departamento está a desenvolver en colaboración coa Consellaría de Vivenda e que ten un custe próximo ao millón de euros.

18 abril 08. O conselleiro de Innovación e Industria, Fernando Blanco, xunto co director xeral de Distribución de Gas Natural, José María Almacellas, presentaron esta mañá o proxecto de mellora da subministración de gas do polígono industrial do Pousadoiro, que se desenvolverá en virtude do convenio de colaboración asinado hoxe entre a Consellaría e Gas Galicia. O proxecto contempla a construción dun gasoduto de preto de tres quilómetros que conectará coa infraestrutura xa existente para o abastecemento da vila e que se desenvolverá entre o que queda deste ano e o primeiro trimestre do 2009. O investimento global do proxecto é de 587.000 euros, dos cales a Consellaría de Innovación e Industria e Gas Galicia achegarán o 30 e o 70%, respectivamente.
Preme no titulo para ler a nova completa.

O vicepresidente da Xunta, Anxo Quintana,destacou, durante a visita ao novo local de ensaio de Vilagarcía, que a Rede Galega de Locais de Ensaio é o mellor instrumento para aproveitar a creatividade e a capacidade imaxinativa dos mozos e mozas do país.

9 abril 08. Segundo explicou o vicepresidente, a Rede Galega de Locais de Ensaio da que forma parte o centro de Vilagarcía, pretende aproveitar a capacidade de iniciativa e creatividade da mocidade para que Galiza avance, porque segundo sinalou Quintana, "un país que avanza é aquel que fai uso e promove acapacidade creativa da mocidade, que ten ambición cultural e que achega oportunidades para mobilizar o talento e o enxeño da nova escola de valores e capacidades que representa a súa xuventude". Para Quintana o Goberno ten un reto capital, que é que as institucións do autogoberno de Galiza exerzan un "novo mecenazgo cultural, que actúe como promotor cultural, para que a xente nova sexa a que protagonice a construción das novas industrias culturais e da imaxinación que precisa Galiza". Neste senso, o vicepresidente sinalou que se está a desenvolver unha "política global e transversal de impulso á formación, investigación e creación cultural da xuventude como instrumento para a expresión da súa identidade, intereses e forma de ver o mundo" coa finalidade de fortalecer a imaxinación e a creatividade dos mozos.
Preme no titulo para ler a nova completa.

Co obxectivo de promover o coñecemento do país entre a mocidade, da súa riqueza, cultura, patrimonio, paisaxe, festas, gastronomía e cultura, a Concellería de Xuventude e Solidariedade vén de por en marcha o programa Coñece Galiza. A iniciativa consiste na organización de excursións e viaxes de carácter gratuíto a diferentes lugares da comunidade autónoma e nos que poderán participar mozos de entre 8 e 35 anos.

8 abril 08. A concelleira de Xuventude e Solidariedade, Ana Lorenzo, presentou o programa de carácter municipal co que o Concello pretende completar, na medida das súas posibilidades, as diferentes iniciativas que oferta na actualidade a Dirección Xeral de Xuventude como Naturalmente Galiza ou a Primavera Activa

17 marzo 08. A Concellería de Xuventude e Solidariedade, que dirixe a nacionalista Ana Lorenzo, volve a poñer en marcha o Noitebús durante as vacacións de Semana Santa co obxecto de que os mozos que opten por desprazarse a outros municipios para disfrutar da movida, poidan facelo de xeito cómodo, accesible e seguro. O departamento que dirixe Ana Lorenzo vén de publicar un calendario de peto no que se detallan os servizos do Noitebús para todo o ano.

Durante a Semana Santa haberá Noitebús do martes 18 ao sábado 22 de marzo, ambos incluídos. Como de costume, cada día haberá catro viaxes, dous de ida e dous de volta con saídas de Vilagarcía ás 21:30 e 24:00 horas e regreso dende Sanxenxo ás 06:00 e as 08:00 horas. O prezo do billete de ida e volta é de 2 euros.
Preme no titulo para ler a nova completa.
Consulta aquí o calendario:
Calendario NoiteBús

A Executiva Comarcal da organización nacionalista agradece o seu apoio a todos os veciños e veciñas do Salnés que apostaron por Galiza fronte aos discursos alleos á nosa realidade dos partidos estatais.

12 marzo 08. A Executiva Comarcal do BNG celebrou onte martes unha primeira reunión de avaliación das eleccións xerais do pasado 9 de marzo; en primeiro lugar quixo felicitar á militancia e aos simpatizantes do BNG do Salnés, que ao longo dos últimos meses desenvolveron un grande traballo de explicación da mensaxe nacionalista, nun marco complexo que estaba dominado polos discursos fraudulentos do PP e do PSOE, organizacións políticas que desde o primeiro momento quixeron convertir unhas eleccións ao Congreso dos Deputados e ao Senado nunhas supostas eleccións presidenciais españolas que non existen no marco xurídico vixente.
Preme no titulo para ler a nova completa.

Olaia Fernández Davila asegura que "o verdadeiro Plan Galiza o fixo o BNG ao negociar os Orzamentos do Estado"

25 Febreiro 08.- O portavoz nacional do BNG, Anxo Quintana, asegurou este serán nun mitin en Vilagarcía de Arousa que “o orgullo de sermos galegos, hai que demostralo tamén nas elecións do 9 de marzo, porque non é o momento do PP, nin do PSOE, é o momento de Galiza”.
Preme no titulo para ler a nova completa.

16 febreiro 08. Tal e como xa adiantou o BNG hai unhas semanas, son moitos os veciños e veciñas da nosa comarca afectados pola decisión do Goberno español de eliminar a tarifa nocturna de consumo eléctrico que ven funcionando desde hai vintecinco anos e da que no conxunto de Galiza se benefician máis de 160.000 fogares (o que supón arredor de 500.000 persoas).

A proba disto é a preocupación, a cantidade de reclamacións apresentadas ao longo dos últimos días e a numerosa reunión de afectados e afectadas celebrada na nosa comarca o pasado xoves.

O BNG, ao igual que lles manifestou ao longo destas semanas a moitos afectados particularmente a súa disposición a traballar en común pola eliminación desta medida, vaise poñer en contacto co colectivo de afectados constituído na nosa comarca de xeito que coñezan de primeira man as actuacións que levamos adiante até o de agora, e para ofrecerlles tamén toda a nosa colaboración para que os responsabeis desta medida, o goberno do PSOE en Madrid, dean unha solución que impida un novo quebranto económico nas economías de moitos e moitas arousás.
Preme no titulo para ler a nova completa.

No acto estiveron presentes o Director Xeral de Turismo Rubén Lois, a Delegada Provincial de Innovación e Industria Montse Prado e os membros do grupo municipal nacionalista de Vilagarcía.

13 febreiro 08. Hoxe reabriuse en Vilagarcía a oficina de información turística despois duns meses en obras por mor dunha rehabilitación integral que se ven de efectuar para mellorar a accesibilidade e a estética da mesma. Ao acto de reapertura das dependencias asistiron o director xeral de Turismo, Rubén C. Lois, e mais a delegada provincial da Consellaría de Innovación e Industria en Pontevedra, Montserrat Prado Cores.
Preme no titulo para ler a nova completa.

25 xaneiro 07. Os Grupos Municipais do BNG están a presentar nestes días nos distintos concellos da nosa comarca, ao igual que nos do resto de Galiza, unha moción solicitando á Xunta de Galiza que se dirixa ao goberno español en esixencia de que se manteña a tarifa nocturna.
Hai que ter en conta que esta tarifa  establecida no 1983 baséase na filosofía de primar o consumo nas horas nocturnas, onde a potencia consumida no conxunto do sistema eléctrico é menor.
Esta tarifa ten un desconto do 55% nas horas nocturnas e un recargo do 3% nas horas centrais do día. E favorece o consumo de determinados electrodomésticos, como son: acumuladores, lavadoras, lavalouzas, quentadores de auga, etc, que se poden usar de noite.
Preme no titulo para ler a nova completa.

O BNG manterá un encontro co mundo da cultura de Vilagarcía para falar sobre a importancia que para Galiza teñen as eleccións do vindeiro mes de marzo

Dentro da programación de actos que está a desenvolver o Bloque Nacionalista Galego na nosa comarca, co obxecto de manter un estreito contacto con distintos sectores sociais do Salnés e explicarlles as propostas da nosa organización para a cita electoral do día 9 de marzo; o vindeiro martes día 22 celebraremos un Acto Público en Vilagarcía dirixido especialmente ao mundo da cultura.

Neste acto o BNG fará fincapé, diante dos e das representantes dos distintos ámbitos do mundo cultural da nosa cidade,  na necesidade de que Galiza conte con máis forza en Madrid, forza que se consigue cun aumento do apoio electoral da cidadanía ás candidaturas do BNG nas vindeiras eleccións a Cortes Xerais.

O acto que se celebrará o martes ás 20:30h. na Sala de Conferencias do Auditorio de Vilagarcía contará coas intervencións de Xosé Castro Ratón, portavoz do BNG teniente alcalde e concelleiro de cultura de Vilagarcía; Rosa Abuín, sindicalista, concelleira e candidata ao Congreso, e Anxela Bugallo membro da Executiva Nacional do BNG e Conselleira de Cultura e Deporte.

En rolda de prensa enunciaron os obxectivos do nacionalismo galego para as vindeiras eleccións.

21 xaneiro 08. Acompañadas do Responsábel-portavoz Comarcal Duarte Correa e do Voceiro en Vilagarcía Xosé Castro Ratón, as candidatas do BNG amosaron a súa confianza en que o traballo do nacionalismo nas Cortes do Estado ao longo dos últimos catro anos, verase recompensado cun importante aumento do apoio electoral ás candidaturas do BNG.
Olaia Fernández Davila salientou a importancia que ao longo desta lexislatura tivo o BNG, ao ser determinantes os nosos deputados en moitas ocasións, o que levou a que ao longo dos últimos catro anos o goberno español tivera que pasar de dar as costas ás necesidades de Galiza a atender a moitas das nosas demandas; o cal refrenda o plantexamento do BNG de que canto maior forza teña o nacionalismo no estado mellor lle irá a Galiza.
Rosa Abuín amosóuse orgullosa de que se contara con ela para representar á comarca na candidatura ao Congreso, considerando que a súa presenza supón un apoio da Asamblea Comarcal do Salnés e o conxunto da organización ao traballo que desenvolve o BNG en Vilagarcía.

O servizo realizouse a través do proxecto de intervención social integrado no programa posto en marcha no mes de outubro por Igualdade e Benestar Social

5 xaneiro 08. A Concellería de Igualdade e Benestar Social dispón xa da memoria correspondente á primeira parte do Programa de Atención a Persoas con Enfermidades Neurodexenerativas, a través do que se desenvolven proxectos de sensibilización, intervención social e formación. No que se refire ó ámbito de intervención social, o persoal municipal prestou só no mes de decembro 133 horas de atención domiciliaria.
Preme no titulo para ler a nova completa.

Os nacionalistas revelan que case o 50% do orzamento da Deputación de  vai destinado a competencias alleas ao organismo provincial

19 decembro 07. O BNG presenta nestes días en todos os concellos da comarca do Salnés unha iniciativa para o seu debate nos plenos, na que se solicita que a Deputación centre os seus esforzos económicos no apoio aos concellos. Os nacionalistas, a través do seu Responsábel-Portavoz Comarcal Duarte Correa  suliñaron que nos orzamentos do ano 2008 a Deputación Provincial de Pontevedra adica dun total de 145 millóns de euros case 60 a gastos alleos ás competencias propias da Deputación, mentres que para cooperación cos concellos a cifra queda reducida a pouco máis de 32 millóns.
Preme no titulo para ler a nova completa.

O convenio entre ambas administracións permitirá adquirir berces, andadores, diverso mobiliario, menaxe e xogos para cubrir as necesidades da ampliación

17 decembro 07. O Concello e a Vicepresidencia da Igualdade e do Benestar veñen de asinar un convenio de colaboración que permitirá completar os equipamentos da recentemente ampliada escola infantil municipal. O investimento, que se realizará de xeito inmediato, ascenderá a 47.082 euros, dos que a administración autonómica aporta 37.666 euros e o área municipal de Benestar e Servizos Sociais os 9.416 restantes.
Preme no titulo para ler a nova completa.

Xa se están a instalar os aparatos destinados á realización de sinxelos exercicios para mellorar a mobilidade e fortalecer a musculatura

5 decembro 07. O primeiro  parque biosaudábel para persoais maiores poderase utilizar a partir da vindeira semana na Praia da Concha. Os operarios municipais comezaron xa a instalacións dos aparatos que permiten a práctica deportiva lixeira mediante a realización de sinxelos exercicios que melloran a mobilidade e a circulación e fortalecen a musculatura.
A iniciativa, promovida pola Concellería de Turismo foi presentada pola titular deste departamento, Rosa Abuín, e pola edil de Persoas Maiores, Ana Lorenzo, ao Consello Local da Terceira Idade, que aplaudiu a creación dun parque adaptado ás necesidades das persoas e a mellorar a súa calidade de vida.
Preme no titulo para ler a nova completa.

Un simple xogo de palabras arredor de saber e sabor é o lema da campaña de promoción da praza de abastos que vén de poñer en marcha a Concellería de Promoción Económica e Innovación, que dirixe a nacionalista Rosa Abuín. Coa excusa do Nadal, a praza sofrirá unha sensible transformación da súa imaxe, á espera do proxecto de Mercasa.

30 novembro 07. A idea da campaña xurdiu a raíz das reunións que mantivo a nacionalista Rosa Abuín coa asociación de comerciantes da praza. En principio, estes pedían un adecentamento dos locais, así como unha decoración típicamente do Nadal. O proxecto foi medrando ata converterse na maior iniciativa de promoción da praza realizada ata agora. A inauguración será o día 3 ás seis da tarde.
Preme no titulo para ler a nova completa.

27 novembro 07. A colaboración entre a iniciativa privada e a administración ven de materializarse en Vilagarcía co remate do primeiro edificio de vivendas de protección autonómica destinadas ó aluguer. A oferta componse de 33 pisos que se destinarán ás persoas con menor nivel de ingresos económicos.

O edificio situado na avenida Agustín Romero e promovido pola empresa vilagarciá Costa Arosa S.L foi visitado o 27 de novembro polo delegado provincial da Consellería de Vivenda, Eudosio Álvarez, e o concelleiro de Vivenda, Xosé Castro Ratón, para comprobar a calidade constructiva e o estado no que se atopa a obra. Dado que os traballos están practicamente rematados -a falta de pequenos detalles- a previsión é que as vivendas poidan ocuparse no prazo máximo de dous meses.
Preme no titulo para ler a nova completa.

O prazo para retirar as invitacións vai do 1 ao 21 de decembro
A Concellería das Persoas Maiores organiza este Nadal unha festa destinada ao colectivo da terceira idade y que ten como obxectivo fomentar a relación entre estas persoas. A celebración, que terá lugar o 28 de decembro, consistirá nunha chocolatada con verbena e a asistencia á mesma será totalmente gratuíta.

26 novembro 06. Con esta actividade, o departamento que dirixe Ana Lorenzo, pretende institucionalizar unha festa de inverno para as persoas maiores, do mesmo xeito que dende hai máis dunha década se celebra cada verán a Romaría da Terceira Idade. Fomentar a relación entre as persoas maiores e facilitarlles propostas de diversión que contribúan a mellorar a súa calidade de vida, son algúns dos obxectivos destas iniciativas.
Preme no titulo para ler a nova completa.

• Fernando Blanco presentou hoxe en Santiago o proxecto do novo texto legal
• Os furanchos deberán obter autorización de apertura e clasificación turística, licenza municipal e acreditar cada ano a declaración de produción de viño realizada ante a Consellaría de Medio Rural, entre outros requisitos

Santiago de Compostela, 19 novembro 07. O conselleiro de Innovación e Industria, Fernando Xabier Blanco Álvarez, presentou esta mañá en rolda de prensa o proxecto de decreto polo que se establece a ordenación dos establecementos de restauración denominados furanchos. Segundo explicou o conselleiro nacionalista, no decreto –elaborado en colaboración coa Consellaría do Medio Rural, que posúe as competencias sobre a produción do viño– recóllese que os furanchos pasan a ser un novo grupo de establecementos turísticos de restauración, diferenciándose dos xa existentes de bares, cafeterías e restaurantes. Blanco asegurou que isto permitirá adaptar a normativa ás súas características propias de especialización e temporalidade.
Preme no titulo para ler a nova completa.

O Deputado no Parlamento Galego Bieito Lobeira e o Responsábel Comarcal do BNG Duarte Correa avaliaron positivamente os investimentos destinados á nosa comarca.

26 outubro 07. En comparecencia diante dos medios de comunicación, os dirixentes do BNG explicaron pormenorizamente uns orzamentos que supoñen unha aposta clara polo desenvolvimento de Galiza e polo benestar dos galegos e galegas, ao combinar os investimentos en infraestruturas (viarias, tecnolóxicas...) que son básicas para o desenvolvimento económico do país e coa mellora e ampliación de servizos sociais fundamentais.
Nas partidas destinadas á nosa comarca destacaron os investimentos viarios básicos para Vilagarcía, dotación de chan industrial, mellora de infraestruturas  para o sector pesqueiro, mellora de electrificación e dotación de banda ampla, etc...
Ademais sinalaron outras partidas que non están desglosadas territorialmente en áreas como  comercio, turismo, educación, cultura, etc… que tamén van supor importantes investimentos para o Salnés.

• Esta actuación desenvolverase sobre unha parcela de 762 m2 na UEI-6 Desamparados e as vivendas disporán de 1 e 2 dormitorios cunha superficie útil de entre 40 e 65 m2
• O edificio albergará un Centro de Día na planta baixa no que se ofrecerá atención especializada para responder ás necesidades das persoas maiores
• As empresas interesadas poderán presentar as súas propostas a partir de mañá e ata o vindeiro 8 de outubro, tal e como se publica hoxe no DOG

12 setembro 07. A Consellería de Vivenda e Solo, que dirixe a nacionalista Teresa Táboas, licita por 2.936.000 euros a contratación do proxecto e obra dun edificio que albergará 32 vivendas protexidas en réxime de aluguer destinadas a mozos e maiores no Concello de Vilagarcía.
Preme no titulo para ler a nova completa.

O pasado venres día 13,  o BNG do Salnés iniciou a campaña política do Día da Patria Galega 2007 coa inauguración da nova Sede Comarcal, un sinxelo acto de apertura oficial dunha nova Sede máis moderna e funcional, ao que asistiron compañeiros e compañeiras de toda a a comarca que compartiron uns viños e uns petiscos e escoitaron as breves intervencións do Responsábel Comarcal  do BNG no Salnés Duarte Correa e do Secretario Nacional de Organización Alberte Ansede.

Na súa intervención Duarte sinalou a importancia que ten para o BNG do Salnés a apertura desta nova Sede, e refireuse ao Día da Patria Galega como data principal para os nacionalistas galegos facendo un chamamento aos e ás asistentes a participar nos actos programados na comarca e na Manifestación do 25 de xullo. Pola súa banda Alberte Ansede fixo unha breve análise do actual momento político e dos novos restos que agardan ao BNG nos vindeiros meses destacando a necesidade de integrar na organización a todas aquelas persoas que nos acompañaron nas candidaturas da pasadas eleccións municipais, a importancia de seguir popularizando as importantes actuacións que están tendo as áreas detentadas polo BNG no goberno galego e a necesidade que nas vindeiras eleccións xerais o nacionalismo galego teña maior presenza  nas Cortes para poder defender con máis forza os intereses de Galiza.

A candidatura nacionalista quere expresar o seu máis sinceiro agradecemento aos traballadores dos medios de comunicación pola atención e o seguimento que fixeron da súa campaña.
Castro Ratón acudirá a votar ao colexio electoral instalado no auditorio municipal ás 11:30 horas.

25 maio 07. Remata a campaña. Atrás quedan logo tres intensas semanas de idas e voltas, de emocións, de discursos e compromisos, de encontros coa cidadanía e, sobre todo, de ilusión e optimismo.
O BNG de Vilagarcía pecha esta campaña co convencemento de que o necesario cambio de xestión na política municipal pasa necesariamente por contar cun goberno con presencia dos nacionalistas.
En transmitir esa idea empeñamos o noso esforzo nestas semanas. Unha idea que fomos transformando en compromisos concretos. No ámbito das políticas sociais, nas de emprego, nas de acceso á vivenda, na cultura… Alí onde se adoita escoitar tan só palabras valeiras o BNG puxo ideas e propostas concretas.
Preme no titulo para ler a nova completa.

O candidato nacionalista lembrou o seu compromiso persoal dende hai décadas na defensa de Cortegada. Tamén se comprometeu a que non permitirá colocar unha pedra máis no monte da Tomada.

Carril, 24 maio 07. Cortegada, A Tomada, a festa da Ameixa, o ARI… os temas é posible que non diferiran moito dos que teñen abordado en Carril outros candidatos. Pero o que seguro sí que foi ben distinto foron as propostas que onte se escoitaron no salón da oficina municipal, no que o BNG ofreceu onte o seu mitin.
O candidato nacionalista, Xosé Castro Ratón, presentouse en Carril cunha idea ben definida. “Carril debe explotar ao máximo as súas enormes potencialidades e para eso debemos preservar, e intensificar se cabe aínda máis, a súas sinais de identidade”, dixo.
Preme no titulo para ler a nova completa.

O candidato e director xeral do Instituto Galego de Vivenda e Solo, Daniel Pino, adiantou que a consellería está elaborando un ambicioso proxecto para a contrucción pública de vivendas protexidas en Vilaxoán.
O cabeza de lista do BNG comprometeuse diante dos veciños a soterrar os contedores de lixo, a ampliar o paseo marítimo ata o esteiro do Rial e a solucionar definitivamente os problemas dos vertidos.

Vilaxoán, 22 de maio de 2007. Na soleada mañá de Santa Rita o BNG programou un encontro cos veciños de Vilaxoán. Tivo lugar na praza Rafael Pazos, aínda que ninguén dos presentes se referiu a ela con semellante denominaciòn, senón, como se coñeceu toda a vida, como a Praza do Campo. Que tamén hai que reivindicar a toponimia como patrimonio cultural.
Preme no titulo para ler a nova completa.

A conselleira de Viveda e Solo refrendou o decidido apoio do seu departamento para levar adiante os sete compromisos que en política de vivenda presentou hoxe o candidato a Álcaldía de Vilagarcía

21 maio 07. O compromiso é firme e, dende hoxe, público. Xosé Castro Ratón cuantificou cal será o resultado do seu ambicioso programa en política de vivenda que se concreta en sete medidas: “Nos vindeiros catro anos de goberno municipal nacional nacionalistas construirase en Vilagarcía, como mínimo, trescentas vivendas protexidas”.
Anunciouno esta tarde en presenza da conselleira de Vivenda e Solo, Teresa Táboas, quen refrendou o decidido apoio do seu departamento para levar adiante este reto. “Concello e Consellería viaxan xuntos neste tren, que é un tren de alta velocidade”, dixeron.
Preme no titulo para ler a nova completa.

O candidato nacionalista visitou esta mañá o comerdor social de Vilagarcía e mantivo unha xuntanza cos directivos de Cáritas

19 maio 07. “O comedor social e a casa de acollida de San Cibrán, xestionados por Cáritas Interparroquial de Arousa, son un modelo de bo funcionamento e de servicio de utilidade social para os que máis o necesitan. Polo tanto o concello debería implicarse aínda máis no seu apoio económico. Eu fareino”. Díxollo esta mañá o candidato do BNG Xosé Castro Ratón aos directivos de Cáritas durante a visita que realizou ás instalacións do comedor social.
Preme no titulo para ler a nova completa.

Castro Ratón, que acompañado polos candidatos máis novos da lista percorreu as instalacións do festival, expresoulle o seus parabéns á organización e transmitiulle o compromiso do director xeral de Xuventude de seguir apostando polo festival vilagarciano.

18 maio 07. Foi algo máis que unha visita de cortesía. Castro Ratón, acompañado polos candidatos máis novos da súa lista, achegouse ata o recinto do Festival do Norte para coñecer as interioridades da súa organización. E manifestou “quedar abraiado” pola súa eficacia e complexidade. Castro Ratón non tivo reparos en expresarlle os seus “maís sinceros parabéns” aos organizadores do evento, Antonio Caneda e Pablo Bandín. Este último exerceu como anfritión e guía durante toda a visita.
Preme no titulo para ler a nova completa.

Os nacionalistas vilagarciáns deseñaron o programa “Para que Vilagarcía avance na normalización lingüística”, un compromiso con propostas concretas como a creación dunha Comisión Municipal da LinguaDende a oposición o BNG impulsou os premios que entregará o concello de Vilagarcía ao uso do galego no comercio, na empresa e na prensa. Premios que, por suposto, manterá o futuro goberno nacionalista

17 maio 07. Celebráse hoxe o Día das Letras Galegas cn grande profusión de actos na comarca. Aos que por suposto, non falta ningún candidato. Mesmo aqueles aos que durante todo o ano vemos como desprezan a nosa lingua súmanse hoxe ás conmemoracións, non vaia aser que non saian na foto.
Preme no titulo para ler a nova completa.

Castro Ratón refrenda o seu compromiso en promover a participación da mocidade coa potenciación do asociacionismo xuvenil e coa creación do Consello Local da Mocidade.
No seu programa os nacionalistas desgranan un bo número de iniciativas concretas en áreas como vivenda, emprego, cultura, deportes, sanidade, transporte ou novas tecnoloxías.

7 maio 07. Se hai unha política complexa pola súa definición, esa é a política feira para a mocidade. Complexa polo tipo de público ao que se dirixe, non sempre comprendido e atendido como debe polos poderes públicos. E complexa porque a súa elaboración esixe ter en conta algunhas claves que os partidos políticos non sempre contemplan.
Preme no titulo para ler a nova completa.

O candidato nacionalista considera que o voceirto de EU-IU tratou de recuperar a base de ataques sen sentido un protagonismo do que careceu no Pleno “por falla de implicación no traballo político”.
Castro Ratón lembra que Juan Fajardo votou a favor da moción do BNG de non debatir a proposta de Orzamentos presentada polo goberno Gago

7 maio 07. As delcaracións efectuadas aos medios de comunicación polo voceiro e EU-IU, Juan Fajardo, torticeiras a respecto do acordo adoptado polo pleno da Corporación o pasado xoves, e despectivas, con mofa e escanio para co portavoz do BNG, poñen en evidencia a súa total carencia de protagonismo nun pleno no que semella que nin siquera se enterou do que foi o que se acordou.
Preme no titulo para ler a nova completa.

O director xeral do Instituto Galego de Vivenda e Solo, Daniel Pino, participará o martes no auditorio vilagarcián nun acto informativo sobre as actuacións en materia de solo empresarial na comarca de Arousa

6 maio 07.  O BNG ten sinalado en reiteradas ocasións á mocidade como a un dos colectivos aos que compre adicarlle unha maior atención. O luns será o momento de comprobar que non se trataba só dunha declaración de intencións, senón que detrás desas palabras hai propostas e iniciativas concretas e de gran trascendencia que o BNG de Vilagarcía porá en marcha de xeito inmediato dende o futuro goberno municipal.
Preme no titulo para ler a nova completa.

Xosé Castro Ratón presentoulle hoxe aos axentes e colectivos sociais as 15 propostas do seu Programa de Promoción de Emprego e Desenvolvemento Local.
O candidato nacionalista deu a coñecer tamén un “Plan Municipal De Emprego 2008-2011” consensuado no marco do Consello Económico e Social e destinado a reducir a enorme taxa de paro.

30 abril 07. “Para que Vilagarcía avance na promoción económica e na creación de emprego” é o título xenérico baixo o que o BNG de Vilagarcía desenvolveu un riguroso paquete de medidas de carácter económico e de fomento do ermprego que hoxe lle presentou aos axentes.
Preme no titulo para ler a nova completa.

Xurxo Albino Cores Davila foi elixido novo responsábel comarcal do Salnés de Galiza Nova.

30 abril 07. O pasado venres 26 de abril, a militancia de Galiza Nova, Organización xuvenil do BNG, da comarca do Salnés elixiu o responsábel Comarcal que dirixirá o traballo da nosa organización xuvenil nos vindeiros dous anos.
Preme no titulo para ler a nova completa.

No acto, que terá carácter público, intervirán tamén a sindicalista da CIG Rosa Abuín e o nacionalista Fernando Blanco

28 abril 07.  O BNG de Vilagarcía segue a dar a coñecer antes os sectores implicados as claves das áreas programáticas da súa proposta de goberno para Vilagarcía. O luns 30 será o turno do Programa de Promoción de Emprego e Desenvolvemento Local que os nacionalistas elaboraron co horizonte dos vindeiros catro anos.
Preme no titulo para ler a nova completa.

O candidato Xosé Castro Ratón faise eco do malestar dos veciños desta zona por non coñecer o alcance dunha serie de obras que xa se están executando no entorno da estación de ferrocarril

O pleno da Corporación de Vilagarcía aprobou onte por unanimidade e a prosposta do BNG un manifesto institucional de condolencia polo accidente ocurrido en Valga

24 abril 07. Atendendo a unha proposta presentada polo grupo municipal do BNG, a Corporación Municipal do Concello de Vilagarcía de Arousa acordou onte por unanimidade expresar o pesar de toda a cidadanía de Vilagarcía e a condolencia institucional para coas víctimas e familiares do accidente ocurrido en Valga no que falaceron tres veciños daquela localidade.
Preme no titulo para ler a nova completa.

O candidato nacionalista mantivo onte un encontro de traballo con diversos colectivos veciñais para escoitar as súas demandas e para facerlles chegar as propostas do BNG, entre elas a da creación dunha consellería delegada para esta zona de Vilagarcía

26 abril 07. O próximo Goberno local de Vilagarcía contará coa figura do Consello Territorial de Trabanca Sardiñeira. Anuncioullo aos veciños desta zona o candidato á Alcaldía polo BNG, Xosé Castro Ratón, no transcurso da xuntanza que onte mantivo na Casa da Cultura de Trabanca coa totalidade dos colectivos veciñais do lugar.
Preme no titulo para ler a nova completa.

O candidato do BNG considera que as saídas de ton de Tomás Fole son consecuencia do seu nerviosismo pola perda do liderado no seu partido e polo papel absolutamente secundario que está a ter nesta campaña

24 abril 07.  Non fai falta ser un avezado analista político para advertir que o Partido Popular de Vilagarcía deulle un xiro de 180 graos a súa estratexia de campaña. Seguramente alarmado polo papel absolutamente secundario que ata o de agora está a desempeñar, e asesorado por xente de fóra, a Tomás Fole deulle agora por arremeter contra o resto de candidatos. O último exemplo foi a nota emitida onte polos populares vilagarcián na que criticaban a presentación do programa de Benestar do BNG, incluso antes de que este se dera a coñecer.
Preme no titulo para ler a nova completa.

Os nacionalistas fixan as políticas de benestar e de servizos sociais como “obxectivo preferente” do seu proxecto para Vilagarcía.
A secretaria xeral de Benestar, María Xesús Lago, non puido acudir á reunión por unha indisposición polo que foi o propio Castro Ratón quen presentou o programa de políticas de benestar para Vilagarcía

24 abril 07. Unha indisposición de última hora impediulle a secretaria xeral de Benestar da Xunta, María Xesús Lago, achegarase esta tarde ata Vilagarcía para participar na presentación do programa de políticas de Benestar Social elaborado polos nacionalistas vilagarciáns. Foi o propio candidato á Alcaldía, Xosé Castro Ratón, quen expuxo as liñas básicas deste ambicioso programa ante representantes de entidades e asociacións relacionadas co ámbito dos servicios sociais.
Preme no titulo para ler a nova completa.

A iniciativa persigue crear canles permanentes e continuados de relación directa dentro da práctica dunha política de proximidade á xente.
A bitácora do candidato nacionalista permite tamén a inclusión de comentarios por parte dos visitantes ou que estes se poñan en contacto con el directamente a través dun correo electrónico

18 abril 07. Preséntase como un blog de campaña, pero en realidade é moito máis que iso. Xosé Castro Ratón quere convertir a súa bitácora en punto de encontro coa cidadanía. Nun lugar no que compartir en voz alta as súas inquedanzas sobre as cuestións da actualidade de cada día, grandes ou pequenas, que non sempre teñen que ver coa política. Compartir tamén gustos, propostas e ata provocar algún sorriso. Sempre dende a perspectiva da interactividade, agardando a resposta, comentarios ou suxerencias daqueles que entren na páxina.
Preme no titulo para ler a nova completa.

No acto estarán presentes, entroutros, Carlos Aymerich e Teresa Táboas

16 abril 07. Será o xoves, ás nove da noite, no auditorio municipal. En plena voráxine de presentación de candidaturas, o BNG de Vilagarcía apostará por un formato que lle otorgue o protagonismo ás persoas. Unha mostra máis da “paixón polas persoas”, da que ben falando o candidato Xosé Castro Ratón dende o primeiro momento.

A presentación oficial da candidatura vilagarciana do BNG de Vilagarcía contará coa participación do Portavoz do Grupo Parlamentario do BNG, Carlos Aymerich, e da conselleira de Vivenda e Solo, Teresa Taboas. Tamén intervirán a actual concelleira e número dous da candidatura, Ana Lorenzo, e, por suposto, o cabeza da lista vilagarciana Xosé Castro Ratón.

Gaspar González, Remedios Padín, Xurxo Cores e Uxía Casal completan os dez primeiros postos dunha lista que pecha o director xeral do IGVS, Daniel Pino

14 abril 07. O BNG de Vilagarcía rematou o procesote confección da candidatura coa que se presentará al eleccións municipais do 27 de maio que encabeza Xosé Castro Ratón. Como xa se tiña adiantado a lista representa a vontade de conxugar o valor da experiencia e a necesaria renovación. De feito os catro actuales concelleiros do grupo municipal figuran entre os dez primeiros postos da candidatura. A eles egádense nomes novos de contrastada formación e cheos de ilusión ante a expectativa real de acadar no vindeiro mandato resposanbilidades de goberno.
Preme no titulo para ler a nova completa.

A presidenta da Asociación Protectora de Animais de Vilagarcía, Ánxeles Rodríguez, solicitoulle unha especial sensibilidade e un decidido apoio económico dende o goberno municipal

12 abril 07. A política non é só cuestión de grandes discursos, de escearios cheos de cores ou de sesudas reunións en torno a unha mesa de despacho. E menos aínda a nivel local. Castro Ratón tivo a oportunidade de comprobalo durante a visita que realizou ás instalacións da canceira de Vilagarcía ubicada en Pinar do Rei. Alí non había votantes ante os que lucirse nin un auditorio ante o que adornarse. Non houbo siquera cámaras que testemuñaran o momento. Había, eso si, moito ruido e a sensación de que tamén alí, no medio do monte, faise concello.
Preme no titulo para ler a nova completa.

O BNG cumpre deste xeito un dos compromisos adquiridos na recente reunión mantida coa asociación de veciños

10 abril 07. O deputado autonómico do BNG, Bieito Lobeira, presentou ante a Mesa do Parlamento de Galicia catro preguntas relativas ás previsións da instalación dun embarcadoiro na zona do Garandoiro, en Bamio (Vilagarcía). Deste xeito o BNG da resposta ao compromiso que o propio Bieito Lobeira e máis o candidato vilagarcián Xosé Castro Ratón acadaron na reunión que o pasado 20 de marzo mantiveron coa Asociación de Veciños San Xinés de Bamio.
Preme no titulo para ler a nova completa.

Ana Lorenzo, Rosa Abuín, Raquel Torrado, Manolo Rico e Covadonga García-Toriello acompañan Castro Ratón na candidatura nacionalista

9 abril 07. Xa o adiantaba Xosé Castro Ratón na súa presentación oficial como candidato á Alcaldía de Vilagarcía. “O BNG ira máis alá da paridade de xénero que impón a lei electoral”. Velaí esta cumprido o compromiso. Catro mulleres nos seis primeiros postos da lista amosan sen nengun tipo de dúbidas a aposta dos nacionalistas vilagarciáns pola política en feminino.
Preme no titulo para ler a nova completa.

O candidato do BNG en Vilagarcía reuniuse coa Asociación de pais e nais de alumnos do Conservatorio e a Escola de Música Bernardo del Río

3 abril 07. Xosé Castro Ratón tivo onte pola noite a oportunidade de escoitar as demandas que urxen do concello a Asociación de Pais do Ensino Musical de Vilagarcía “Atril”. A primeira ten que ver coa participación dos pais dos alumnos na xestión da Escola Municipal de Música Bernardo del Río, participación que polo de agora é inexistente. Castro Ratón comprometeu a creación dun órgano que posibilite a presencia e a implicación dos pais e nais na toma de decisións relativas ao funcionamento deste centro.
Preme no titulo para ler a nova completa.

O candidato do BNG en Vilagarcía fixo fincapé na necesidade de unha política medioambiental axustada que contrarreste a voracidade constructiva e que evite danos como os que causou a riada de novembro

31 marzo 07. No seu periplo polos lugares e parroquias de Vilagarcía co obxecto de apalpar de preto as necesidades e demandas dos veciños, Xosé Castro Ratón achegouse onte pola noitiña ata A Laxe, onde mantivo unha xuntanza coa asociación de veciños.
Preme no titulo para ler a nova completa.

30 marzo 07. Galiza Nova quere expresar o seu malestar ante esta decisión da Consellaría de Política Territorial, Obras Públicas e Transportes de suprimir a ruta do NoiteBús de Vilagarcía de Arousa-Portonovo  e a de Ogrobe-Sanxenxo.

Dende Galiza Nova non comprendemos como se pode aludir ao baixo número de pasaxeiros para suprimir este servizo cando nunca foi experimentado na temporada de Semana Santa, caracterizada por un maior número de desprazamentos nesta comarca, e dificilmente comparábel coa de Nadal. A Administración tamén debería reflexionar sobre a falta de promoción e publicidade que deste servizo se fixo, o que provoca que a mocidade non estea informada.
Preme no titulo para ler a nova completa.

O candidato do BNG en Vilagarcía mantivo esta tarde unha xuntaza co presidente da Cámara de Comercio de Vilagarcía e con varios membros do seu comité executivo

28 marzo 07. Non podía, dende logo, faltar a Cámara de Comercio nesta rolda de xuntanzas que o candidato a Alcaldía do BNG en Vilagarcía está a manter con representantes dos colectivos e institucións da cidade. A visita, a primeira dun candidato que recibe a entidade cameral, tivo lugar esta tarde. Xosé Castro Ratón mantivo durante algo máis dunha hora un encontro na sede da Cámara de Vilagarcía con varios compeñentes do seu comité executivo e co seu presidente, o empresario Carlos Oubiña.
Preme no titulo para ler a nova completa.

Porén o Goberno non responde a Davila se está disposto a incluír no proxecto a recuperación da enseada do Rial

Madrid, 26 Marzo 07.  En resposta a unha pergunta da parlamentaria do BNG no  Congreso dos Deputados, Olaia Fernández Davila, o Ministerio de Medio Ambiente asegura que o proxecto para a recuperación ambiental do borde marítimo entre o porto de Vilagarcía de Arousa e o porto de Vilaxoán “é prioritario para a Dirección Xeral de Costas e así llo transmitiu ao Concello”.
Preme no titulo para ler a nova completa.

A reunión que se celebrará e o vindeiro luns ten por obxecto informar sobre as xestións do Conselleiro nacionalista para eliminar o perigo que supoñen os depósitos de Ferrazo para a ría de Arousa.

24 marzo 07. O luns día 27 o Conselleiro de Innovación e Industria, o nacionalista Fernando Blanco, recibirá na Consellaría a unha representación da Plataforma en Defensa da Ría de Arousa.
Preme no titulo para ler a nova completa.

O candidato do BNG en Vilagarcía mantivo unha xuntanza de traballo cos colectivos veciñais de Guillán na que comprometeu, tamén,  rematar coa sensación de abandono do rural “designando unha concelleira ou concelleiro do futuro goberno como delegado para cada lugar ou barrio”

23 marzo 07. No encontro de traballo celebrado polo candidato do BNG á Alcaldía de Vilagarcía cos colectivos veciñais de Guillán, representados por unha numerosa delegación das xuntas directivas da Comunidade de Montes, da Asociación de Mulleres Rurais e mais da Asociación Cultural, valoraronse, en palabras de Castro Ratón, “as necesidades prioritarias dun lugar, como é o caso de Guillán, que vai soportar os efectos negativos das futuras obras da variante Vilagarcía-Padrón da Alta Velocidade ferroviaria e mais da Circunvalación Norte, nova estrada que non contempla a execución dunha saída que permitira o acceso directo a ela dos veciños de Guillán, da Torre e de Trabanca Badiña”.
Preme no titulo para ler a nova completa.

Xosé Castro Ratón mantivo ademais un encontro coa ANPA do colexio Anexo A Lomba para coñecer as súas demandas e comprometer para o futuro unha “política de transparencia” en canto as axudas municipais que estas asociacións reciben

23 marzo 07. O grupo municipal do BNG presentou unha moción que será debatida no vindeiro pleno da Corporación na que solicita que o Concello de Vilagarcía inste á Consellería de Educación para que leve a cabo a execución dos compromisos aos que se chegaron na xuntanza mantida o 16 de marzo entre representantes da comunidade educativa do colexio, Delegación Provincial da Consellería e Concello de Vilagarcía, no que respecta á modificación e melloras neste centro.
Preme no titulo para ler a nova completa.

O candidato do BNG en Vilagarcía e o deputado nacionalista no Parlamento Galego mantiveron unha xuntaza coa asociacións de veciños San Xinés de Bamio

21 marzo 07. A filosofía do BNG na rolda de encontros que o candidato nacionalista está a manter con diversos colectivos e institucións de Vilagarcía vai xa un paso máis alá. “Non só consiste en escoitar aos veciños para incorporar as súas peticións ao futuro programa de goberno senón que, na medida do posible, tratamos de ofrecerlles solucións e propostas concretas”.
Preme no titulo para ler a nova completa.

Na entrevista que mantivo esta tarde co presidente dos autónomos, o candidato nacionalita fíxolle chegar unha serie de medidas de fomento da actividade económica que o BNG pensa poñer en marcha en caso de acadar futuras responsabilidades no goberno local

20 marzo 07. O candidato do BNG á Alcaldía de Vilagarcía, Xosé Castro Ratón, mantivo esta tarde unha xuntanza co presidente da Unión de Profesionais e Autónomos de Galicia (UPTA), Eduardo Abad, para coñecer de primeira man as propostas deste importante colectivo.
Preme no titulo para ler a nova completa.

Rubén Cela tamén lle anunciou a creación na cidade dun centro ‘Quérote’ e a “vontade do seu departamento” por transferir ao Concello a xestión do uso da Casa da Xuventude

16 marzo 07. O candidato do BNG á Alcaldía de Vilagarcía, Xosé Castro Ratón recibiu esta tarde a visita do director Xeral de Xuventude de Solidariedade da Xunta de Galicia Rubén Cela. Tras manter unha entrevista privada, Castro Ratón e Rubén Cela tiveron unha xuntanza con membros do Comité Cidadán AntiVHS de Vilagarcía (CCANVIHAR). A continuación trasladáronse ao pub Gaël onde mantiveron un encontro co colectivo de músicos e grupos noveis de Vilagarcía aos que lle presentaron o proxecto da Rede Galega de Locais de Ensaio. O director xeral e o candidato nacionalista viitaron despois as instalacións Casa da Xuventude, onde saudaron aos directivos e xogadores do Club Xadrez Fontecarmoa.
Preme no titulo para ler a nova completa.

O candidato nacionalista mantivo esta tarde unha xuntanza cos taxistas de Vilagarcía, na que se abordaron asuntos como a instalación de medidas de seguridade ou a creación dunha Mesa Permanente do Tráfico

15 marzo 07. O candidato á Alcaldía de Vilagarcía polo BNG, Xosé Castro Ratón, mantivo esta tarde unha xuntanza co colectivo de taxistas vilagarciáns para tomar nota das súas principais demandas. As reivindicacións expostas polos taxistas xiraron principalmente en torno á urxente necesidade de introducir avances tecnóloxicos para un mellor desenvolvemento da súa tarefa cotiáe, Os representantes deste colectivo tamén solicitaron ao candidato do BNG que no futuro se considere ao servizo do taxi como un “auténtico servizo público”.
Preme no titulo para ler a nova completa.

O candidato do BNG mantivo esta tarde unha reunión coa directiva de Feca

14 marzo 07. Aínda que o obxectivo primeiro desta rolda de encontros que está a manter o candidato nacionalista á Alcaldía de Vilagarcía, Xosé Castro Ratón, é o de escoitar as inquedanzas e propostas dos diversos sectores para incorporalas, na medida do posible, á súa futura acción de goberno, o certo é que esta serie de “diálogos” tamén lle está servindo para dar a coñecer algún dos compromisos que xa forman parte do programa do BNG.
Preme no titulo para ler a nova completa.

A charla contará coa participación do deputado nacionalista no Parlamento Galego e representante do BNG na Comisión Parlamentaria do Estatuto, Bieito Lobeira, e do responsábel comarcal, Duarte Correa

12 marzo 2007. O frustrado proceso de reforma do Estatuto de Galiza -as causas de porque iso aconteceu e cal pode ser o seu futuro- será posto a debate nun acto público que mañá martes, ás oito media da tarde, terá lugar na sala de conferencias do auditorio de Vilagarcía.
Preme no titulo para ler a nova completa.

A instalación dunha rede wi-fi que cubra o territorio municipal, as melloras nos servizos de limpeza e seguridade e a situación das axudas polas riadas foron outros dos temas que abordaron no seu encontro o candidato nacionalista e a asociación de comerciantes.

13 marzo 2007. Tras manter nos últimos días sendas entrevistas co presidente da Autoridade Portuaria e co xerente de Fexdega, Xose Castro Ratón reuniuse onte pola noite coa directiva da asociación de comerciantes de Vilagarcía Zona Aberta. O candidato do BNG tiña un especial interese en que entre os primeiros encontros deste rolda que está a manter cos representantes dos principais sectores da actividade económica da cidade estivera este con Zona Aberta.

A mellora do entorno do pavillón, a creación de nova prazas hoteleiras e as xestións coa Adminitración autonómica foron outros dos temas que abordaron no seu encontro de hoxe o candidato nacionalista e o xerente da fundación feiral

12 marzo 2007. Xosé Castro Ratón mantivo esta tarde un encontro con xerente da Fundación Fexdega enmarcado na súa rolda de diálogos con representantes de colectivos e entidade de Vilagarcía. A de Castro Ratón foi a primeira visita que recibe dun candidato á Alcaldía o novo xerente de Fexdega, Francisco Raodríguez Carballo.
Preme no titulo para ler a nova completa.

Ao longo desta semana o candidato nacionalista manterá encontros co xerente de Fexdega e coas xuntas directivas de Zona Aberta e Feca. Tamén recibirá o venres ao director xeral de Xuventude.

11 marzo 2007. A axenda do candidato do BNG á Alcaldía de Vilagarcía intensficarase aún máis nas vindeiras xornadas. Xosé Castro Ratón aposta neste inicio de campaña por un achegamento á cidadanía que se está a concretar en encontros con representantes de diversos colectivos sociais. “A miña intención é dialogar coa xente, con toda a xente, para coñecer as súas inquedanzas e o que lles gustaría que cambiara no novo goberno de Vilagarcía que aspiro a liderar”. Castro Ratón recoñece tamén que “froito deses diálogos están a xurdir propostas moi  novedosas, interesantes e concretas que dentro de pouco pasarán a converterse en compromisos electorais ao formar parte do noso programa de goberno”.
Preme no titulo para ler a nova completa.

O candidato do BNG, que estivo acompañado por outros dos concelleiros do grupo municipal, reclamou un último esforzo para rematar os flecos que aínda quedan pendentes nas obras previstas

9 marzo 07. Xosé Castro Ratón tivo a oportunidade de comprobar in situ e de man do xerente de Xestur, Emiliano Quintillán, o avanzado estado das obras de mellora comprometidas no polígono industrial do Pousadoiro. Castro Ratón desprazouse ata o polígono acompañado doutros dous concelleiros do grupo municipal do BNG, Ana Lorenzo e Manolo Rico. Alí, a pé de obra mantivo un encontro a tres bandas co xerente e con técnicos de Xestur, a entidade encargada de levar a cabo as melloras, e con representantes das asociacións veciñais de Cea e Castroagudín.
Preme no titulo para ler a nova completa.

O candidato do BNG mantivo unha reunión cos directivos da asociación para coñecer de primeira man as súas inquedanzas e propostas

8 marzo 2007. O candidato nacionalista á Alcaldía de Vilagarcía, Xosé Castro Ratón, prosegue coa súa rolda de encontros con representantes dos diversos sectores da vida social, económica e cultural da cidade. Nestes diálogos teñen e terán cabida non só os responsables das institucións ou das entidades de maior relevancia. Castro Ratón quere amosar tamén unha especial sensibilidade e ter un contacto directo con eses outros colectivos aos que non se lles soe prestar tanta atención. É o caso, por exemplo, da asociación Arousa Bici, cos que onte pola noite mantivo un encontro.
Preme no titulo para ler a nova completa.

A definición urbanística do entorno do Ramal, a dotación de solo industrial e a procura dunha solución definitiva ao conflicto dos depósitos foron algúns dos temas abordados na entrevista

6 marzo 2007. Tal e como adiantara na comparecencia na que anunciou a súa proclamación como candidato á Alcaldía de Vilagarcía, Xosé Castro Ratón iniciou xa hoxe unha rolda de encontros con representantes de diversos colectivos e institucións de Vilagarcía. A primeira foi a Autoridade Portuaria. O seu presidente, Jesús Paz, e o candidato nacionalista mantiveron esta tarde un encontro no que repasaron as principais cuestións de interese referidas ao desenvolvemento do porto vilagarcián, así como as súas demandas e necesidades, e os proxectos a levar a cabo a corto, medio e longo prazo.
Preme no titulo para ler a nova completa.

3 marzo 07. As áreas de actuación delimitadas en ambos núcleos integran un total de 724 edificios e 930 vivendas, e cuxos propietarios poderán recibir axudas de ata 9.000 €.
A rehabilitación poderá efectuarse no interior e no exterior das vivendas e dos edificios, e tamén se poderán realizar obras de urbanización das rúas integradas nas ARIs
Preme no tiulo para ler a nova completa.

O responsable local, Xosé Leirós e o propio candidato Xosé Castro Ratón tamén forman parte deste comité, integrado por nove persoas

2 marzo 2007. A mellor proba da trascendencia que para o BNG de Vilagarcía ten a cita electoral de maio é a composición do comité de campaña. Del formarán parte os “pesos pesados” da política nacionalista, tanto a nivel local como outros con responsabilidades de ámbito nacional.
Preme no titulo para ler a nova completa.

O cabeza de lista dos nacionalistas en Vilagarcía anuncia que fará unha campaña limpa, “alonxada da crispación e achegada á cidadanía”

1 marzo 2007. Na súa presentación oficial como candidato á Alcaldía de Vilagarcía, Xosé Castro Ratón deixou claro que o seu primeiro obxectivo é situar ao BNG no próximo Goberno local. “Con ese fin asumo a responsabilidade de liderar a un equipo de traballo que ademais está respaldado por toda a organización do BNG”.
Preme no titulo para ler a nova completa.

21 febreiro 07. No Pleno celebrado o pasado día 25 de xaneiro, por unanimidade de toda a Corporación Municipal aprobouse unha moción urxente presentada polo Grupo Municipal do BNG en relación co sinistro de tráfico acaecido o día 23 de xaneiro no termo municipal de Poio e no que perderon a vida unha nai e os seus dous fillos, naturais do Concello de Ogrobe.

“ A Corporación Municipal do Concello de Vilagarcía de Arousa, por acordo plenario, quere manifestar o seu fondo pesar e a súa solidaridade coa familia grovense, vítima do sinistro de tráfico acontecido o pasado martes, 23 de xaneiro, no ámbito municipal de Poio e que tanto impacto e conmoción produciu entre todos os veciños da comarca”.

A deputada do BNG lembra que os terreos “foron no seu día practicamente cedidos” pola comunidade de veciños a RENFE para instalar os talleres “polo que o lóxico é que agora revertan á cidadanía de Vilagarcía de Arousa”

Madrid, 29 Xaneiro 2007.  A parlamentaria do BNG no Congreso dos Deputados, Olaia Fernández Davila, ven de presentar unha pregunta na que pede que os terreos dos antigos talleres de RENFE en Vilagarcía de Arousa revertan aos veciños e se destinen á construcción de vivendas sociais.
Peme no titulo para ler a nova completa.

A corporación municipal, en sesión plenaria do 29 de xuño de 2006, acordou:

“Manifestar o apoio da Corporación Municipal á demanda de veciñas e veciños de Carril e Trabanca Sardiñeira no sentido de acadar que o asentamento do lavadoiro da Xalda se sitúe nun lugar que resultando posible, sexa aceptable e compartido polas veciñas e veciños; comprometendo todo o esforzo de diálogo e negociación que fosen necesarios coa participación de todos os grupos políticos a través da Comisión de Portavoces”.

Ao manifesto plenario e ao compromiso de xestión política da petición efectuada polas veciñas e veciños de Carril e Trabanca Sardiñeira, seguiulle un lento proceso de xuntanzas que, finalmente, acadaron unha solución técnica axeitada e aceptada unanimemente para fixar o novo asentamento do Lavadoiro da Xalda, ficando todos convencidos que a  súa execución ía ser practicamente realizada de inmediato.
Preme no titulo para ler a nova completa.

A deputada do BNG lembra que esta obra “é de capital importancia para evitar o paso de hidrocarburos de Ferrazo polo centro da vila” e para asegurar o desenvolvemento do parque Baión-Rubiáns

Madrid, 16 Xaneiro 2007. A parlamentaria do BNG no Congreso dos Deputados, Olaia Fernández Davila, ven de presentar unha pregunta parlamentar na Cámara Baixa na que insta ao Ministerio de Fomento a acelerar a construcción da nova estrada que unirá o porto de Vilagarcía coa AP-9.
Preme no titulo para ler a nova completa.

A deputada do BNG pide que o Goberno cumpra os compromisos asumidos en 1996 pola Dirección Xeral de Costas para rexenerar a costa entre Vilagarcía e Vilaxoán e para a recuperación da enseada do Rial

Madrid, 12 Xaneiro 2007. A parlamentaria do BNG no Congreso dos Deputados, Olaia Fernández Davila, ven de presentar unha Proposición non de Lei pola que insta ao Goberno a construír un paseo marítimo entre Vilagarcía e Vilaxoán.
Preme no titulo para ler a nova completa.

arquivos para descargar
PNL OLAIA PASEO MARÍTIMO VILAGARCÍA-VILAXOÁN ()
PREGUNTA OLAIA PASEO MARÍTIMO VILAGARCÍA-VILAXOÁN ()

Son numerosas as queixas que nestes días aparecen publicadas nos distintos medios de comunicación acerca do colapso que están a sufrir os servizos de urxencias tanto do Punto de Atención Primaria de Vilagarcía como do Hospital do Salnés así como da falta de médicos, sobre todo da especialidade de pediatría, que se está a producir nesta área sanitaria saturando consecuentemente as consultas do PAC de Vilagarcía que tampouco conta con persoal suficiente para atender tan elevada demanda.

Con motivo dunha situación moi semellante vivida hai uns cantos meses, pero neste caso referida ao servizo de Pediatría, o Grupo Municipal do BNG presentou no mes de febreiro do pasado ano unha moción a medio da cal se solicitaba á Consellería de Sanidade e ao SERGAS, entre outras cousas, a dotación ao Servizo de Urxencias do Centro de Atención Primaria de Vilagarcía dun médico especialista en Pediatría co fin de mellorar a atención dos cidadáns beneficiarios desta especialidade e á súa vez evitar a saturación do Servizo de Urxencias do Hospital Comarcal.
Preme no titulo para ler a nova completa.

En Vilagarcía, a respecto das inundacións sufridas, e sobre a necesidade de adoptar medidas compensatorias para paliar os danos ocasionados e tamén sobre a conveniencia de establecer políticas de prevención futuras; o Consello local do BNG considera o seu deber emitir a seguinte opinión:

Resultando que, con certeza, a principal causas das inundacións é a circunstancia metereolóxica de ter acadado un nivel de pluviosidade escasamente tal alto, tamén é preciso aceptar que boa parte das cousas que agravaron, tanto as situacións particulares de cada punto crítico como a moi grave dimensión dos danos, están en relación directa con políticas e actuacións urbanísticas que, no pasado, viñeron alterando de forma irrecuperable a canle natural dos nosos ríos e regatos, soterrando o seu curso se que a infraestructura de canalización sexa suficiente para aliviar eficazmente estas situacións climáticas de natureza extraordinaria. É preciso, pois, avaliar a situación e casuística en detalle, auditando cada caso concreto para establecer medidas correctoras que eliminen ou minimicen os danos futuros que puideran ocasionarse en ocasión semellante; tanto no ámbito das instalacións ou equipamentos de titularidade pública como no privado.

Considerando que na situación extraordinariamente vivida é lóxico que os medios materiais e humanos vexan sobrepasada a súa capacidade de atención e auxilio ás persoas afectas e necesitadas de axuda ou á protección dos bens, tamén é incuestionable que tanto o Plano de Emerxencia Municipal como os protocolos de actuación en situación de catástrofe precisan ser mellorados en base á experiencia; e, por tanto, imponse a necesaria e urxente tarefa de revisar, actualizar e compartir socialmente a previsión dunha repetición, e mesmo agravamento futuro, dunha situación idéntica, incluíndo na planificación e organización a dotación de medios materiais e técnicos que se teñen probado eficientes noutros lugares, asegurando a coordinación efectiva do operativo dotados por diferentes organismo e servicios.

Desexando que os efectos da grave situación producida, permitan unha pronta volta á normalidade, é urxente e imprescindible a reparación dos danos ocasionados axilizando a compensación do quebranto producido no comercio local, ás persoas, aos vehículos e outros bens públicos e privados; e, para elo deben organizarse mecanismos e centros de información, asesoramento e axuda (no Concello e no ámbito asociativo) que deben continuar no tempo para realizar o seguimento e fiscalización dos procesos compensatorios (Axudas públicas, Seguros, Consorcio de Compensación, etc.), establecéndose así o amparo e a xusta protección que a cidadanía demanda os poderes públicos en situacións de emerxencia.

Contribuíndo, dende o BNG, a facilitar a participación dos afectados nos procesos de información, tramitación e demanda de axudas e compensación, o Consello Local da organización nacionalista promove a presencia en Vilagarcía dos máis altos responsables da Consellería de Innovación e Industria, encabezado por Fernando Blanco, Conselleiro; Ana Rúa, Directora Xeral de Comercio e Montserrat Prado, Delegada provincial da Consellería, para manter unha xuntanza de traballo con Zona Aberta, entidade representativa do sector, que permita coñecer a situación e abordar políticas de compensación complementaria para lograr a total recuperación dun dos sectores máis gravemente afectado por causa das inundacións.

A visita do Conselleiro de Innovación e Industria, da Directora Xeral de Comercio e da Delegada provincial, realizarase o xoves, 30 de novembro, ás 17,45 horas; efectuando un percorrido pola zona do comercio local afectado pola inundacións, partindo da PRAZA DE GALICIA.

O grupo municipal do BNG efectúa perante o Pleno que vai celebrar a corporación municipal de Vilagarcía, o seguinte ROGO:

1. Que, polo Sr. Alcalde ou por quen resulte competente ao efecto, se xestione a realización das obras previstas para o novo asentamento do Lavadoiro da Xalda, a executar no máis breve espacio de tempo que tecnicamente resulte posible; e, tamén, a que corresponde ao conxunto da rúa, para que poida facerse o uso que a cidadanía precisan da mesma.
2. Que, ademais, provisoriamente ata a realización das devanditas obras previstas, se adopten medidas axeitadas ( beirarrúa de madeira ou calquera outro sistemas que resulte tecnicamente máis aconsellable) para facilitar o transito das persoas que deben circular por esta vía, en moitas das ocasións parcialmente asolagada pola auga das chuvias.

A ordenación urbanística deste Concello rexese polo Plano Xeral de Ordenación Municipal aprobado o día 4 de febreiro do 2000.

Segundo establece a Lei 9/2002 de ordenación urbanística e protección do medio rural de Galicia coas modificacións da Lei 15/2004, do 29 de decembro, os Planos Xerais poden verse modificados na súa ordenación producíndose a revisión ou modificación dalgún ou algúns dos elementos que o constitúen, de igual xeito que existen diversos instrumentos urbanísticos previstos para o desenvolvemento destes Planos Xerais como son os planos parciais, planos especiais, planos de sectorización e estudios de detalle que ben poden ser formulados polos concellos así como, entre outros, por particulares lexitimados para elo.
Preme no arquivo engadido para ler a moción completa.

A Charla-Obradoiro realizada por Galiza Nova este fin de semana estiveron marcadas por un grande éxito de participación da mocidade vilagarcía e xente non tan moza, xa que a charla celebrada no Auditorio o Venres tivo un grande éxito de
participación, casi enchendo ao completo a sala de conferencias do auditorio, entre os asistentes ao acto, ademais de alumnos e profesores de diferentes ciclos informáticos que se imparten en Vilagarcía, tamén se encontraba o Portavoz Municipal do BNG, Xosé Castro Ratón. E como colofón as xornadas, o Sabado celebrouse o Obradoiro de Linux, na aula de informática do Centro Cultural da Torre, onde se viu como funcionaba este Sistema Operativo e a facilidade de uso que o mesmo ten.

Todolos asistentes a ambas actividades recibiron un cartafol cun cd-vivo do GNIX, unha distribución de linux en galego, e outro cd co OpenOffice.org en galego.

Ademais tendes a vosa disposición o arquivo da charla, que podedes usar como vexades. Esta presentación está dispoñible para a súa libre copia, modificación e distribución segundo a licenza GNU-FDL (Free Doc License).

1. REGULACIÓN E REORDENACIÓN DO TRÁFICO NA ESTRADA QUE VAI DENDE OS SEMÁFOROS DE RUBIÁNS ATA ZAMAR
2. REPARACIÓN DO FIRME NA ANTIGA ESTRADA DE BAMIO
3. LIMPEZA DO CAUCE DE RIOS E REGATOS NA PARROQUIA DE BAMIO
4. URXENTE  REPARACIÓN   DO  ACTUAL  FIRME DA PISTA  DE  XIABRE QUE BORDEA O ENCORO DE CASTROGUDÍN
5. PREGUNTAS

Preme no titulo da nova para ampliar rogos e preguntas.

• Acompañada polo portavoz municipal, Castro Ratón, e outros concelleiros do grupo, hoxe ás 18,30  horas no Local da Asociación veciñal, manterá un encontro cunha representación da entidade veciñal e de outras asociacións e grupos da parroquia.
• A parlamentaria nacionalista, comprometerá a presentación de varias iniciativas tendentes a demandar do Ministerio de Fomento a intervención “para asegurar que se escoite a opinión dos veciños”  no proceso de redacción do Proxecto que está en curso.
  24-10-2006

Preme no titulo para ler a nova completa.

O Grupo Municipal do BNG acompañou o pasado sábado día 14 á directiva da Asociación de Veciños de San Xinés de Bamio e demáis colectivos da parroquia na presentación pública da súa renuncia a seguir facéndose cargo da xestión da Casa de Cultura desta parroquia.

 A decisión adoptada por estas asociacións foi provocada pola actitude despótica e autoritaria do Goberno Local quen sen ningún tipo de preaviso ou información cambiou de súpeto a pechadura da Sala de Lectura impedindo a entrada aos membros da Asociación de Veciños que viñan utilizando esta instalación para a celebración das súas reunións dadas as condicións precarias e tercermundistas nas que se atopa o resto do Centro.
Preme no titulo para ler a nova completa.

Madrid, 10 Outubro 06. A Comisión de Traballo e Asuntos Sociais do Congreso dos Deputados aprobou este meiodía por unanimidade, grazas á iniciativa do BNG, instar ao Goberno, en relación co Centro de Formación Continua de Bamio (Vilagarcía de Arousa), a negociar coa Xunta de Galiza acordos de colaboración na formación dos traballadores do sector marítimo-pesqueiro.

Davila tamén consegue o respaldo da Cámara para que se garanta a continuidade da actividade que até agora se viña desenvolvendo neste Centro de Formación Continua.
Preme no titulo para ler a nova completa.

Os resultados das últimas análises realizadas pola Consellería de Sanidade advirten da existencia dunha toxina producida pola presencia dunha alga no encoro do Río Umia que é imposible eliminar polo procedemento da depuración, o que levou parella a declaración da non potabilidade da auga no Concello de Caldas por non ser apta para o consumo humano.

Segundo os informes dos técnicos a presencia desta alga débese ao estancamento da auga do encoro tras o seu peche decretado a causa do incendio da empresa química Brenntag, polo que se limitou  o fluxo de saída de auga non alcanzando os niveis mínimos que veñen sendo esixidos por lei.

Esta situación que pode chegar a ser altamente prexudicial para a saúde da poboación dada a elevada toxicidade desta sustancia esixe a realización duns controis moito máis exhaustivos e detallados sobre a calidade da auga que se está a consumir pola poboación deste Concello e constatar, á vista dos resultados, se pode estar ou non afectada polas toxinas .

Polo exposto, o GRUPO MUNICIPAL DO BNG solicita que pola Alcaldía, Concellería de Medio Ambiente ou por quen corresponda se adopte o acordo de ordenar a  realización dunha analítica especial de control sanitario sobre a potabilidade da auga de consumo humano a consecuencia da presencia desta toxina de grave toxicidade, atopada no Río Umia.

Asemade, é preciso que se convoque aos portavoces dos grupos municipais, para informar da situación e acordar o que proceda coa finalidade de contribuír responsablemente a trasladar unha mensaxe de unidade e confianza perante a opinión pública, grandemente sensibilizada co asunto.

Onte tivo lugar unha recepción neste Concello da tripulación do Vilagarcía con motivo do logro da cuarta praza no mundial da clase Platu 25 que se disputou hai uns días en Vigo. Nesta recepción unicamente estiveron presentes o Sr. Alcalde, o Presidente da Autoridade Portuaria e o Presidente da Fundación de Deportes, non convidando aos demais grupos municipais, enterándonos a posteriori da celebración do citado evento a través dos distintos medios de comunicación que publicaron a noticia ao día seguinte.
Pois ben, o Grupo Municipal do BNG lamenta que un acto destas características e de tanta importancia para o desenvolvemento do deporte e para a cidade, se faga nestes termos, excluíndo aos demáis grupos da Corporación de participar nunha homenaxe que debería ter sido moito máis ampla e como non darlle unha perspectiva institucional para que tanto os homenaxeados como o equipo en xeral se sentiran moito máis respaldados e arroupados.
Preme no titulo para ler a nova completa.

Preme no arquivo engadido para ler os rogos e preguntas formuladas polo BNG de Vilagarcía no Pleno do día 28 de Setembro.

O Bloque Nacionalista Galego valora moi positivamente a reunión celebrada onte no Parlamento Galego entre a nosa organización política (representada polos Responsábel-portavoz Comarcal do Salnés Duarte Correa Piñeiro e polos deputados e membros da Executiva Nacional Ana Pontón Mondelo e Bieito Lobeira Domínguez) o PSOE,  a Plataforma en Defensa da Ría de Arousa e unha ampla representación dos sectores produtivos da nosa ría.

Esta reunión, que é continuación doutra celebrada no pasado mes de xullo, o BNG enmárcaa no traballo que é preciso facer para acadar unha solución á problemática que supoñen para a nosa ría os Depósitos de Hidrocarburos do porto de Vilagarcía de Arousa; neste sentido son coñecidas pola opinión pública as distintas iniciativas levadas adiante polo BNG nas distintas institucións (Parlamento Galego, Cortes do Estado, etc…) cara ao desmantelamento dos depósitos.

Na reunión de onte déronse novos pasos ao quedarmos comprometidos os dous grupos políticos a elaborar unha iniciativa parlamentar conxunta no Parlamento Galego,  que na liña do documento asinado en febreiro do ano 2000 dea un impulso político ao goberno galego para iniciar as negociacións que conleven a retirada dos depósitos e sexan adoptadas as medidas necesarias para impedir o tráfico de hidrocarburos pola ría de Arousa; iniciativa parlamentar que agardamos sexa debatida a finais do vindeiro mes de outubro.

Entendemos que esta iniciativa é un novo paso no camiño para a solución deste problema, camiño iniciado pola Consellaría de Innovación e Industria dirixida polo nacionalista Fernando Blanco Álvarez cando decidiu non recorrer a sentenza do Tribunal Superior de Xustiza de Galiza.

Desde o BNG sabemos que neste camiño vai haber atrancos, debidos a intereses particulares, pero estamos firmemente comprometidos xunto coa inmensa maioría dos veciños e veciñas e das entidades da ría de Arousa na busca dunha solución que nos permita preservar a súa riqueza.

O Salnés; 22 de setembro de 2006
Consello Comarcal do BNG

Unha fin de semana máis Rafael Louzán e o seu sindicato de alcaldes do PP do Salnés saen a escea,  e unha vez máis dinnos o mal que están as cousas na nosa comarca debido ao inmovilismo e á desidia dun goberno da Xunta que leva anos e anos sen facer nada; sinceramente non entendemos como despois de tantos anos de goberno de don Manuel na Xunta de Galiza pode estar tan mal a nosa comarca. Hai que ter cara para saír semana si e semana tamén aos medios de comunicación acusando ao actual goberno galego de non facer nun ano o que eles non fixeron en dezaseis.

Non pode negar o BNG que na comparecencia diante dos medios de comunicación do pasado sábado había xente do PP que moito nos pode falar sobre a situación da comarca:

• de como se fixo o polígono de Ribadumia e das zonas escuras que tivo e ten pode falarnos polo miúdo Rafael Louzán que era man dereita e tiña intereses comúns  co alcalde de Ribadumia que o iniciou,
• da situación do polígono de Sete Pías e dos mil postos de traballo que ían ter nel os veciños e veciñas de Cambados no 2003 pode falarnos o alcalde de Cambados. E tamén estaría ben que nos explicara como pode ser que a Consellaría de Industria, que non ten que emitir ningún informe sobre un Polígono que é municipal, é a culpábel da súa paralización e de que estea máis da metade sen ocupar, careza de depuradora, etc...
• dos problemas do Polígono de Tremoedo tamén nos poden falar moito algúns dos presentes na roda de prensa,
• do Hospital do Salnés e de quen se opuxo no Parlamento Galego á súa creación tamén nos poden contar moitas cousas.

O Consello Comarcal do BNG pídelles que non se poñan nerviosos, está ben que presenten propostas construtivas para a mellora da comarca pero que non queiran tomarnos o pelo falándonos do abandono da comarca por parte da Xunta de Galiza; é xa moi vella a táctica do calamar de botar tinta para agachar os problemas propios e estes señores están moi nerviosos porque ben que cada vez a sociedade lles fai menos caso e as promesas de “cartos, cartos e cartos” do Presidente da Deputación xa non colan.

A única novidade salientábel nesta comparecencia foi a presenza do señor Adolfo Guillamón que non sabíamos que tamén fora dirixente comarcal dese partido; nós tiñamos a idea de que era o Presidente dos Empresarios do Polígono do Salnés e por tanto era o representante dos empresarios foran cales foran as súas preferencias políticas, pero polo que se ve non estábamos ben informados.
Para non cair noutro erro gostaríanos que o señor Guillamón nos informara de si lle trasladou á Xunta estas reivindicacións ou é que estaba na rolda de prensa porque ten que pagar algún favor?

O Salnés; 18 de setembro de 2006
Consello Comarcal do BNG

No mes de febreiro do ano en curso, os veciños da rúa Duque de Rivas desta cidade víronse obrigados a denunciar ante o Concello unhas obras que se estaban a facer nun edificio ubicado nesta mesma rúa e cuxa finalidade era a colocación dunha antena de telefonía móbil.
Efectivamente, presentada a denuncia, comprobouse que por parte da empresa Vodafone España, S.A. se estaba a instalar unha estación base de servizo de telecomunicacións que carecía tanto da licenza municipal de actividade como da licenza de obra o que conlevou a incoación do correspondente expediente de paralización.
O día 2 de marzo, a empresa solicita as preceptivas licenzas, rematando nestes días o prazo de exposición ao público e pendentes de que se resolvan as numerosas  reclamacións presentadas polos veciños da zona...

...Ante a situación sinalada, o Grupo Municipal do BNG efectúa a seguinte INTERPELACIÓN:

1. Cál é a situación actual na que se atopa a ordenanza municipal anteriormente referenciada.
2. Si se ten pensado por parte do Goberno Local someter a debate a aprobación definitiva da mesma antes de que remate o actual período de mandato.
3. Qué criterios se van a adoptar á hora de resolver as numerosas reclamacións presentadas polos veciños da zona na fase de exposición ao público e en qué términos se van a levar a cabo tales resolucións.
4. Si se van a seguir as recomendacións da Organización Mundial da Saúde en canto á necesidade de que se respeten unhas distancias mínimas para a ubicación deste tipo de instalacións ante circunstancias tan especiais como as que concurren neste caso.

Preme no arquivo engadido para ler a interpelación completa.

Desde hai anos o BNG ven plantexando a necesidade de adoptar medidas de mellora da seguranza vial na rede de estradas da comarca do Salnés; así temos presentado diversas iniciativas nos concellos, mancomunidade e no Parlamento Galego,  instando á Consellaría de Política Territorial a que se adoptaran as medidas e se acometeran as obras precisas para mellorar a seguranza nunha zona como a nosa densamente poboada.

A última destas iniciativas foi presentada no Parlamento Galego no pasado mes de abril polo deputado Bieito Lobeira Domínguez, e hai uns días a Consellaría de Política Territorial fíxonos entrega da relación de actuacións que están programadas nas distintas vías que hai na nosa comarca.

O BNG do Salnés valora moi positivamente as actuacións programadas, pero ao mesmo tempo consideramos que as necesidades de seguranza na nosa rede de estradas non se debe quedar na realización de sete obras; consideramos que se debe realizar un estudo serio avaliativo da situación das nosas estradas que teña en conta entre outras cuestións, as características técnicas de cada vía que son sempre susceptíbeis de mellora, o denso tráfico que estas soportan e as características do asentamento poboacional.   Os resultados dese estudo deben servir como base para a elaboración dun plan de actuación que mellore sustancialmente a seguranza vial no Salnés.
Preme no arquivo engadido para ler a resposta a pregunta presentada polo BNG.

O mércores celebrouse en Vilagarcía o acto central da campaña do Día da Patria 2006 na nosa comarca. Nel máis de unha centena de persoas escoitaron con interese as explicacións de Montserrat Prado Cores, Delegada da Consellaría de Innovación e Industria e Francisco Rodríguez Sánchez Portavoz do BNG no Congreso dos Deputados sobre a situación política actual e os retos de futuro para o nacionalismo galego.

Montse Prado fixo un pequeno percorrido polas distintas actuacións das áreas do goberno galego xestionadas polo BNG, actuacións que amosan o compromiso da nosa organización coa execución de políticas que teñen por norde o potenciamento dos sectores produtivos básicos, a consecución dun maior benestar para os galegos e galegas e a recuperación e fomento da nosa identidade como nación. Ademais lembrou que só o BNG tomou en serio o debate sobre o Novo Estatuto de Nación, facendo unha intensa campaña en toda a comarca ao longo do ano político que agora remata.

Francisco Rodíguez centrou a súa intervención na necesidade que temos de desmontar os argumentos do españolismo de que somos un país sen futuro, un país pobre que depende do que nos “regalan” desde Madrid. O portavoz do BNG no Congreso explicou ao público asistente que a realidade é a contraria, Madrid e toda a estrutura que soporta o actual sistema político dependen realmente dos recursos que nós aportamos, Galiza precisa dun novo sistema de financiamento no que sexamos donos dos nosos recursos, e de conseguirse este constataríase que somos un país rico pero empobrecido polas decis