14 outubro 08. O Grupo Municipal do Bloque Nacionalista Galego presentou, para o seu tratamento no vindeiro Pleno Ordinario, unha moción para que se cree un Rexistro Electrónico no Concello.

Desde o BNG pensamos que un Concello como o de Sanxenxo, que ten unha importante actividade administrativa, que pretenda estar á altura no que a novas tecnoloxías se refire, debería adaptar esta actividade aos tempos actuais.

Esta adaptación tería consecuencias moi favorábeis tanto para ofrecer un mellor servizo á cidadanía como de axilidade e aforro no labor diario de todos os concelleiros e concelleiras.
Preme no titulo para ler a nova completa.

29 setembro 08. O Grupo Municipal do Bloque Nacionalista Galego presentará no Pleno Ordinario de mañá martes unha moción para que se conxele o tipo de gravame do Imposto de Bens Inmobles (I.B.I.) e se bonifique cun 10% do recibo aos veciños e veciñas residentes no concello de Sanxenxo, propoñendo a súa vez medidas alternativas para incrementar os ingresos ordinarios do Concello.

A actual crise que estamos a vivir vai ter tamén repercusión nas contas dos concellos, especialmente nos que, como o de Sanxenxo, basearon sempre a súa economía nos ingresos procedentes do sector inmobiliario.
Preme no titulo para ler a nova completa.

O portavoz nacional do BNG reclama en Sanxenxo a construción dunha “nova maioría social e política formada por todos os galeguistas, por todos e todas as que cren nas posibilidades de Galiza de facerse cargo do seu futuro”

20 Xuño 08. Anxo Quintana, portavoz nacional do BNG participou hoxe en Sanxenxo nun acto do BNG dentro da campaña de actos que -baixo o lema “cremos neste País”- está a desenvolver esta organización deica o 25 de Xullo, Día da Patria Galega. “Galiza ten que ir a máis e non pode ser freada pola inercia do pasado nin pola parálise do goberno central”, afirmou.

O portavoz nacional do BNG, resaltou o papel desta forza política como “motor das políticas de cambio transformador que impulsa a Xunta de Galiza” e vinculou esta acción coa demanda de maior autogoberno.
Preme no titulo para ler a nova completa.

19 abril 08. No ano 2006 o BNG fixo consultas ante Portos de Galiza e Portos do Estado, a través de preguntas parlamentares feitas polo deputado Bieito Lobeira no Parlamento Galego e a deputada Olaia Fernández Davila no Parlamento do Estado sobre a situación na que se atopan os pantaláns da Arnosa en Vilalonga.

As respostas obtidas foron as de absoluto descoñecemento da existencia das instalacións portuarias por ámbolos dous entes públicos, dando a sensación de que estes pantaláns atópanse no “limbo” da legalidade administrativa.
Preme no arquivo achegado para saber máis da iniciativa.
Preme no titulo para ler a nova completa.

2 abril 08. O pasado venres o BNG mantivo unha reunión coa directiva da Plataforma pola mellora da seguridade viaria da PO-504, á que asistiu tamén o Deputado do BNG no Parlamento Galego, Bieito Lobeira.

A reunión tiña como finalidade escoitar as reivindicacións dos afectados, ter coñecemento da situación actual na que se atopan as negociacións da Plataforma coas distintas administracións e prestar a colaboración do BNG, e dos seus cargos públicos, para axudar aos veciños e veciñas nos aspectos que por eles mesmos non son quen de resolver.
Preme no titulo para ler a nova completa.
Preme nos arquivos achegados para saber máis das preguntas presentadas.

22 marzo 08. A parroquia de Noalla, 4ª en número de habitantes do Concello de Sanxenxo cunha poboación de 2.529 veciños e veciñas, carece a día de hoxe dunhas instalacións municipais para celebración de actividades, reunións e outros actos que queiran levar a cabo as distintas asociacións culturais, sociais, deportivas, xuvenís, etc., coas que conta a parroquia.

Con data 20 de abril do ano pasado, inaugurouse a Casa Forestal Social “As Canteiras”, propiedade da Comunidade de Montes de Noalla.

Este edificio está a ser utilizado polas distintas asociacións de Noalla, Club de Xubilados, Asociación de Veciños, Comisións de Festas, Club de Fútbol, Grupo de baile e gaiteiros, etc., para celebrar as súas xuntanzas, asembleas, actividades, ensaios e mesmamente como sede social no caso concreto do Club de Xubilados.
Preme no titulo para ler a nova completa.

17 marzo 08. Os veciños e veciñas de Vilalonga que pasen estes días pola estrada da igrexa, poden comprobar como ao arredor do edificio “nonato” que será destinado a Centro Socio-Cultural e da 3ª Idade, na finca municipal de O Revel, está feita unha “piscina” case olímpica.
A auga ten asolagado o soto da devandita obra e mesmamente ameaza con chegar aos baixos.
Esta acumulación de auga non é produto da caída pola choiva destes días, senón pola que nace no manancial natural que existe no lugar.
Preme no titulo para ler a nova completa.

12 febreiro 07. Ante a denuncia feita por uns veciños de Noalla, o grupo de goberno do Concello de Sanxenxo anunciou, o día 7 de novembro pasado, que paralizaba as obras no Solo Urbanizábel núm. 12 de Noalla.

O motivo alegado era que os promotores estaban levantando un muro de peche que invadía un camiño de servidume. O concelleiro de urbanismo manifestaba naquela data que debía ser restituída a legalidade retranqueando o muro ao límite da parcela.
A día de hoxe o muro segue no mesmo sitio e as obras de urbanización do solo continúan.
Preme no titulo para ler a nova completa.

24 xaneiro 07. O BNG de Sanxenxo quere dar a coñecer aos veciños e veciñas de Sanxenxo e en particular aos de Vilalonga, a verdadeira situación na que se atopan as obras da finca municipal de O Revel.
Preme no titulo para ler a nova completa.

A cabeza de lista por Pontevedra abriu o acto expresando as condolencias e a solidariedade do BNG coas familias dos mariñeiros afectados polo naufraxio do pesqueiro “Cordero” de Ribeira 

15 Xaneiro 08. A cabeza de lista do BNG por Pontevedra, Olaia Fernández Davila, remarcou este serán nun acto en Sanxenxo que “a capacidade do BNG de condicionar as políticas estatais comeza xustamente cando se celebra a investidura de José Luis Rodríguez Zapatero, e a partir de aí houbo moitos momentos en que fomos decisivos”.
Preme no titulo para ler a nova completa.

28 novembro 07. O BNG acusa ao goberno do PP de abandonar investimentos importantesO goberno do PP acaba de render contas coa liquidación da Conta Xeral do ano pasado, de investimentos que se venderon por importe de 35 millóns de euros tan só se investiron 5 millóns e só se comprometeron a quinta parte, cando está a piques de rematar o ano 2007.

Daquela o goberno municipal do PP fixo moita propaganda que hoxe se converte en pouca cousa grazas a nula xestión económica do noso concello. O grave resulta que obras tan necesarias como a recuperación e acondicionamento do litoral na Granxa, A Lanzada ou da ría de Arousa quedan un ano mais no esquecemento.
Preme no titulo para ler a nova completa.

10 novembro 07. Ante as noticias aparecidas nos medios de comunicación no día de hoxe sobre a decisión tomada pola alcaldía de intentar á paralización das obras da autovía do Salnés, o BNG quere facer un chamamento aos responsábeis de ámbalas dúas administracións implicadas para que impere a cordura a sensatez e a democracia.

Cando se intentan tomar medidas de forza do calibre que pretende a Alcaldesa do PP de Sanxenxo é porque se esgotaron todas as vías de diálogo para chegar a acordos, e neste caso dende o BNG creemos que isto non é así.

O Partido Popular o que pretende é a confrontación directa con outra administración sen que teña en conta que a conversión da vía rápida en autovía é unha obra que beneficia a todos os veciños e veciñas de Sanxenxo, da comarca do Salnés e ao resto de Galiza.
Preme no titulo para ler a nova completa.

6 novembro 07. O BNG de Sanxenxo solicita, a traves dunha moción,  que se amplíe o ancho das beirarrúas do tramos de entrada ao C.E.I.P. de Portonovo, asi como mentres non se proceda ao traslado das instalacións do club de piragüismo, se fagan beirarrúas ou se coloquen pivotes fixos que permitan o paso seguro dos piragüistas, dentro doutras melloras para a zona.
Preme no arquivo engadido para ler a moción completa.

Os desencontros da Sra. Alcaldesa, e o grupo de goberno do PP, coa Xunta de Galicia, particularmente coa Consellería de Política Territorial Obras Públicas e Transporte, está a crear uns problemas que van a repercutir no benestar e traballo de todos os veciños e veciñas do Concello de Sanxenxo.

26 outubro 07. Despois de varias reunións entre a Alcaldesa e a Consellería, non foron capaces de chegar a un acordo para solucionar o problema da conexión do Parque Empresarial coa futura autovía, segundo o publicado ao respecto, por non dar o brazo a torcer dende a Alcaldía pretendendo beneficiar a uns promotores alleos ao noso concello que só buscan encher o seu peto sen importarlle para nada o futuro dos nosos veciños.
Preme no titulo para ler a nova completa.

2 outubro 07. O Grupo Municipal do BNG no concello de Sanxenxo, entende agora, despois das declaracións á prensa e publicadas no día de hoxe, porque o concelleiro de urbanismo e Tenente de Alcalde (47.600 euros/ano, 3.400 euros/mes (565.712 Ptas/mes)) non abre a boca nos Consellos da Xerencia de Urbanismo nin nas Comisión Informativas.

Está moito mellor calado!

Claro, primeiro debe estudar e enterarse un pouco de que vai isto do urbanismo para así ter uns coñecementos básicos da materia. Deste xeito poderá diferenciar o que é un proxecto de urbanización e o que é unha licenza de obra.
Preme no titulo para ler a nova completa.

16 setembro 07. Lemos na prensa de hoxe que o concello de Sanxenxo paraliza unha obra sen licenza para 12 vivendas en Noalla. Isto non sería malo si o que publican se correspondera coa realidade.

Ante esta información publicada, dende o BNG temos que facer varias aclaracións:...
Preme no titulo para ler a nova completa.

16 agosto 07. No Consello da Xerencia de Urbanismo celebrado no día de hoxe, o grupo de goberno do Concello de Sanxenxo deulle o visto bo, en solitario, a aprobación definitiva do Plan Parcial do solo urbanizábel núm. 30 (S.U.-30) de Padriñán. 

A cousa non tería mais transcendencia, xa que nos teñen acostumados a aprobar todos sexa con informes favorábeis ou non, carentes de informes ou por silencio administrativo dalgunha consellería da Xunta responsablilidade do PSOE, pero concretamente no caso que nos ocupa é exemplo da falta de rigor por parte do Partido Popular.
Preme no titulo para ler a nova completa.

10 agosto 07. O tema dos soldos do grupo de goberno no concello de Sanxenxo, senón tivese a transcendencia que ten de cara ás arcas municipais, é de risa.
Primeiro “autoadxudícanse” uns salarios de escándalo, pola súa contía desorbitada, conseguindo ser portada de todos os medios de comunicación locais, nacionais e do estado, defendendo no pleno que son acordes coa súa dedicación ao Concello.
Non atenden aos requerimentos que lles fai a oposición, representantes da maioría dos veciños e veciñas do concello de Sanxenxo, nin ao clamor que tales retribucións levantan na cidadanía.
Preme no titulo para ler a nova completa.
Preme nos arquivos engadidos para saber máis.

19 xullo 07. O normal despois da constitución dun novo goberno é que a oposición deixe aos novos direxente 100 días de “tranquilidade” para que os responsábeis se asenten no seu posto.

O grupo municipal do BNG no concello de Sanxenxo tiña pensado cumprir ese “pacto non escrito” co novo goberno resultante das últimas eleccións municipais, neste caso con maior motivo, se cabe, por tratarse dun grupo que conta con 5 membros carentes de toda experiencia nas labouras da política municipal (índa que aceptaran uns salarios de expertos/licenciados/masterizados).
Preme no titulo para ler a nova completa.

27 abril 07. O candidato  do BNG á alcaldía de Sanxenxo, Roberto Fernández Lores, mantivo onte un encontro coa agrupación cultural “Abiñadoira”, dentro das reunión que se estar a manter coas diferentes asociacións do concello para dar a coñecer as acción de goberno e recoller as propostas dos colectivos. Durante a reunión, na que tamén participaron a número dous e a número catro da candidatura, Gloria González Camiña e Sandra Fernández Agraso, o candidato nacionalista, volveu lembrar aos representantes da agrupación que a “cultura é un dos catro piares básicos” no programa do BNG.
Preme no titulo para ler a nova completa.

14 marzo 07. O grupo de goberno do concello de Sanxenxo aprobou en solitario, durante o pleno do pasado luns, os orzamentos para este ano 2007, que o portavoz municipal do BNG, Roberto Fernández Lores, calificou na súa intervención como “ciencia ficción”. Esta afirmación non é unha invención do grupo nacionalista de Sanxenxo, senón que a revisión dos orzamentos dos últimos anos pon de manifesto que o PP non ten en conta nin as previsión reais dos ingresos nin as necesidades do concello á hora de plasmar en papel as contías a executar.
Preme no titulo para ler a nova completa.

21 febreiro 07. O Grupo Municipal do BNG deu onte, día 20 de febreiro, unha rolda de prensa no Pazo de Quintáns en Noalla, para dar a coñecer aos veciños e veciñas do concello, sobre todo aos de Noalla, o lamentábel estado no que se atopa o edificio mercado polo concello o 12 de maio do ano pasado.
O Pazo de Quintáns é un edificio do século XVII, con 10.000 metros cadrados de finca.   O BNG anunciou na campaña das municipais do 2003 que chegara a un acordo cos seus propietarios para mercalo, para o patrimonio municipal, en caso de gañar as eleccións.
No mes de setembro do ano 2003 o Grupo Municipal do BNG presentou unha moción para que se retomaran as conversas cos propietarios do Pazo co fin de rematar a operación de compra. O Grupo de Goberno do PP rexeitou a moción votando en contra.
O importante é que agora o Pazo de Quintáns e propiedade municipal, por iso o BNG pídelle aos gobernantes de Sanxenxo que tomen as medidas necesarias para que o deterioro que está a sufrir o inmoble no vaia a máis.
Preme no arquivo engadido para ver as imaxes do Pazo Quintans.

17 febreiro 07. Non hai peor mentira que a verdade a medias. Se houbese un campionato mundial para esta modalidade, os alcaldes e concelleiros do Partido Popular encheríanse de medallas e os de Sanxenxo levaríanas todas de ouro. Pero claro, esta táctica pode utilizarse cando se fala de vaguidades, mais cando a materia que se trata pode ser medida, cuantificada ou documentada, a terxiversación e manipulación dos feitos deixa en evidencia a quen a utiliza.

Un claro exemplo disto témolo na información que deu sempre o goberno do PP no Concello de Sanxenxo sobre a edificabilidade no ámbito do Polígono de Execución Integral de Baltar (PEI-10) en Portonovo, popularmente coñecido como a “Finca de Peña”.
Preme no titulo para ler a nova completa.
Preme nos arquivos engadidos para obter máis información.

15 febreiro 07. Sra. Alcaldesa de Sanxenxo, gobernar un concello non só é mandar notas a prensa dicindo o ben que funciona o concello, senón preocuparse de “todo” o que pasa no seu término municipal.
Alegar descoñecemento non a libera da súa responsabilidade senón que a culpa da súa incompetencia.
Pero máis aínda, si ese descoñecemento, que di ter do proxecto de seguridade viaria da estrada PO-504, é facilmente demostrable que é mentira, convértea nunha mentireira e polo tanto nunha persoa indigna de levar as rendas do Concello de Sanxenxo.
Preme no titulo para ler a nova completa.

12 febreiro 07. Onte domingo, 11 de febreiro, o Grupo Municipal do BNG mantivo unha charla-coloquio no Centro Cultural e Deportivo de Vilalonga, coa asistencia dunhas 100 persoas.
O obxectivo da reunión era informar aos colectivos e veciños en xeral das infraestruturas que o Concello anunciou que ía levar a cabo na parroquia de Vilalonga.
Preme no titulo para ler o que ali se falou.
Preme nos arquivos engadidos para obter máis datos.

O candidato a alcaldía de Sanxenxo polo BNG, Roberto Fernández Lores, mantivo onte domingo unha xuntanza cos veciños do lugar de A Torre - Rouxique,  na parroquia de Vilalonga, para explicarlles a obra de saneamento do lugar financiada pola Consellaría de Medio Rural.
O candidato estivo acompañado polos tamén concelleiros do BNG no concello de Sanxenxo, David Otero e Ricardo Domínguez.
A obra forma parte do convenio asinado pola Consellaría de Medio Rural co Concello de Sanxenxo mediante o que se vai levar a cabo as obras de infraestruturas no rural de: Saneamento en Rouxique – A Torre (Vilalonga), canalización de pluviais en Seixoblanco – Os Pasales (Vilalonga) e camiño de Recarei – Monte de Chan (Dorrón).
Preme no titulo para ler a nova completa.

A deputada do BNG considera urxente arranxar o pantalán e que se drague a zona de atraque, que da servizo a unhas 40 embarcacións de baixura e marisqueo

Madrid, 3 Xaneiro 2007. A parlamentaria do BNG no Congreso dos Deputados, Olaia Fernández Davila, ven de presentar unha pregunta na que lle demanda ao Goberno medidas urxentes para solucionar o “importante deterioro” das instalacións portuarias de Arnosa, en Vilalonga (Sanxenxo).

Preme no titulo para ler a nova completa.
Arquivos para descargar:

PREGUNTA SITUACIÓN PORTO DE ARNOSA ()

Todo o acontecido no ano 2006 quedou escurecido polo anuncio de Telmo Martín de abandonar a alcaldía de Sanxenxo e presentarse como candidato do PP as vindeiras eleccións municipais por Pontevedra.

Este feito, sen precedentes na historia da democracia, condicionou a política local a partir dese intre. Presentación de proxectos incumpríbeis, liortas internas, dentro do PP local, para quedar ben colocados na loita polo poder, inauguración as presas da nova casa do Concello (coñecedores da materia din que necesitará reformas en 6 meses), etc., etc., etc.

Ata o anuncio da súa fuxida Telmo Martín, fiel ao seu xeito de facer política-ficción, presentou uns orzamentos para o ano 2006 “extraordinarios” de 58 millóns de euros (que pasaron a 68 millóns coa incorporación da sociedade Ínsula Sanxenxo, S.L.). O dobre dos de Vilagarcía, que ten o dobre de habitantes ou iguais aos de Pontevedra que conta con 80.000 habitantes.
Preme no titulo para ler o resumo do ano 2006 completo.

Si de algo presume o, ata o vindeiro sábado, alcalde de Sanxenxo Telmo Martín é de ser un excelente xestor e conseguir asinar convenios millonarios para o Concello.

Xa no convenio asinado cos promotores do solo urbanizábel de Miraflores (S.U.-11) o BNG denunciou que o Concello deixou de percibir uns 4 millóns de euros pola mala valoración feita.

En relación co convenio asinado cos promotores do PEI-10, tan de moda estes dias, o Plan Parcial aprobado, que sirviu de base para facer a valoración do convenio de monetarización do 10% do aproveitamento lucrativo que lle corresponde ao Concello, figura un total de 16.552,10 m2 que con unha edificabilidade do 0,7 m2/m2 supón 11.083,45 m2 edificábeis, correspondéndolle ao Concello o 10%  ou sexa 1.108, 34 m2 que valorados a 975,71 € fan un montante de 1.081.423,30 € que percibiu o Concello coa sinatura dese convenio.
Preme no titulo para ler a nova completa.
Preme nos arquivos adxuntos para obter mais información.

O que para o equipo de goberno do PP no Concello de Sanxenxo, na súa elección para nomear Xuíz de Paz, era de “sentido común” parece ser que para o Xulgado de 1ª Instancia de Cambados non se axusta á lei.

Para o BNG non se trata  máis que de puro favoritismo, como xa dixemos no seu día.

No Pleno da Corporación celebrado o día 18 de xullo pasado, cos únicos votos favorábeis do grupo municipal do PP, foi nomeada Xuíz de Paz de Sanxenxo Dona Dulce-María Crespo Domínguez.

Na Comisión previa, celebrada días antes, para o estudo da proposta, o BNG manifestou a súa discrepancia, alegando que de entre as dúas candidatas para o cargo non era esta a que presentaba o mellor currículo senón todo o contrario. Tamén fixemos fincapé, xa sen ter en conta que a candidata proposta pola Alcaldía era irmá da súa secretaria, podería incorrer en incompatibilidade para desempeñar o cargo, segundo di a lei.
Preme no titulo para ler a nova completa.

Sobre a situación “esperpéntica” que está a vivir o grupo de goberno do PP no concello de Sanxenxo, dende que o Alcalde anunciou a súa “fuxida” para Pontevedra, non é o BNG quen para dicir nada, serán os cidadáns e cidadás quen o digan, pero outra cousa ben distinta é a deixadez nas súas funcións dalgún dos seus concelleiros.
Temos que lembrar que todos teñen soldo, que se supón é por dedicarlle todo ou parte do seu tempo as funcións como concelleiro delegado en distintos ámbitos municipais.
Pois ben, o concelleiro de Infraestruturas e Facenda D. Fernando Villaverde González, que ten asignada unha dedicación parcial de 20 horas semanais, polas que cobra a nada desprezable cifra anual de 33.635 euros (2.802 € mensuais), dende a anunciada fuxida do Alcalde o 20 de xullo pasado, non asistiu a 3 Comisións Informativas, 3 Consellos da Xerencia de Urbanismo, 1 Pleno e 1 Xunta Xeral da recen constituída sociedade Ínsula Sanxenxo, S.L. e non “se lle ve o pelo” polo Concello.
Preme no titulo para ler a nova completa.

Que os responsábeis do grupo de goberno do concello de Sanxenxo menten cada vez que falan é sobradamente coñecido polos veciños e veciñas do concello. Mais que a parte de mentireiros sexan politicamente “tontos” non deixa de ser unha novidade.

Tratar de confundir a opinión pública dicindo que o BNG minte ao afirmar que 11 solos urbanizábeis están en zona de influencia de costas, cando calquera veciño pode comprobar que esta afirmación está recollida no PXOM (feito por eles), só se pode entender cando a quen o di “lle falta un fervor” e pensa que os demais están na mesma situación.

O que terá que explicar algún día o goberno do PP é como conseguiu que os informes de Costas foran favorábeis á aprobación do PXOM, e a outras moitas cousas mesmo particulares... Temos que lembrar que por aquelas datas gobernaba o PP tanto no Estado como na Xunta de Galiza.

Terá algo que ver a concesión da cebola de ouro do ano 2004 a un tal José Trigueros, Director Xeral de Costas na época da aprobación do PXOM?...

Nos documentos que achegamos podedes comprobar como ao pé da relación de solos urbanizábeis figura unha nota donde dí o dos 11 solos situados en zona de influencia de costas.
Preme no titulo para ler a nova completa.

O día 20 de xaneiro do 2004, os responsábeis do goberno, do PP, no Concello declaraban que o punto limpo estaría rematado no mes de marzo seguinte. O 29 xaneiro do ano 2005, anunciaban que o punto limpo estaría rematado en Semana Santa dese ano. O día 16 do xuño do 2005, o mesmo grupo de goberno informaba que o devandito punto limpo reciclaría refugallos de obras. No Pleno celebrado o día 30 de maio deste ano, aprobouse o regulamento para o funcionamento do punto limpo.

Bla, Bla, Bla...

O certo é que a día de hoxe o tan mentado punto limpo segue sen funcionar e presenta un estado lamentábel no seu contorno. Tanto o recinto como os seus accesos están cheos de materiais de todo tipo que estran a rúa e a explanada interior.
Preme no titulo para ler a nova completa.
Preme no arquivo engadido para ver as imaxes do Punto Limpo.

O grupo municipal do BNG no concello de Sanxenxo, presentou hoxe por Rexistro as súas alegacións ao proxecto de estatutos da sociedade mercantil Ínsula Sanxenxo, S.L., empresa que o goberno municipal do PP pretende constituir para a construcción de vivendas públicas.
As alegacións presentadas inciden, sobre todo, no obxecto social da empresa, as competencias do Alcalde-Presidente e a composición do Consello de Administración.
Preme no titulo paras ler a nova completas.
Preme noa arquivos engadios para ver as alegacións e memoria da Sociedade.

O Grupo Municipal do BNG vai poñer en coñecemento do Ente Especial Augas de Galicia, Órgano dependente da Consellería de Medio Ambiente da Xunta, unha obra que o Concello esta a levar a cabo na parroquia de Dorrón, sen ter en conta os mínimos requisitos para a súa realización.

O pasado 24 de maio os concelleiros do BNG fomos avisados de que se estaba a levar a cabo un recheo, no lugar de Freixeiro na parroquia de Dorrón, nunha vía asfaltado. Persoados no lugar comprobamos que non só se estaba recheando o vial senón que tamén se estaba a entubar un rego que o atravesa.

Avisada a Policía Local por teléfono o axente que nos atende infórmanos que xa teñen constancia da obra e que o promotor da mesma é o propio Concello de Sanxenxo.
Preme no titulo para ler a nova completa.
Preme no arquivo engadido para ver novas imaxes do recheo.

O grupo de goberno do PP no concello de Sanxenxo, está acostumado a facer as cousas ás présas, sen planificación e falta de criterio, e como consecuencia dese desgoberno ten que solventar os problemas facendo novas “chapuzas”.

O que pretende o Alcalde coa modificación dos estatutos da sociedade Nauta Sanxenxo, S.L., que leva a Xunta Xeral de mañá, é darlle unha “solución” ao problema xerado por el mesmo con respecto a adxudicación dos quioscos das praias de Silgar, Baltar e Canelas o ano pasado. Adxudicación anulada por sentenza xudicial no presente ano.
Preme no titulo para ler a nova completa...

O equipo de goberno do PP no concello de Sanxenxo presume de ecoloxista e de coidar o medioambiente e para que se vexa, de cara a fóra, límpalle a cara ao térmo municipal sen contar que o concello ten 44 Km2 de extensión e non só é costa e praias. Varre a casa e agocha o lixo debaixo da alfombra.

Elaborou un Plan Xeral de Ordenación Municipal que pretenden vender como a solución a todos os males habidos e por haber pero son eles, o propio goberno, os primeiros en incumplir as normas que de xeito ditatorial lles esixen aos veciños que cumplan.

Din que respectan o medioambiente e o patrimonio e deixaron desfacer o muiño do Bimbieiro, hai dous anos, dicindo que o ían trasladar e a día de hoxe ninguén sabe que foi del. Deixaron que se creara un vertedoiro incontrolado no contorno da ermida da Lanzada ata que o BNG o fixo público en varias ocasións. Cando en outros concellos se están a desterrar e a coidar os ríos e regatos, o PP de Sanxenxo canalizaos e permite que se constrúan urbanizacións enriba deles (PEI-19 en Miraflores). Permitiron a tala de carballos centenarios en Monte Faro ata que foi denunciado polo BNG. Teñen a maioría das fontes e lavadoiros de todas as parroquias nun estado lamentábel.
Preme no titulo para ler a nova completa.
Preme no arquivo engadido para ver o plano do Plan Xeral e imaxe do recheo.

O vicepresidente da Xunta, Anxo Quintana, apostou por unha política de cooperación que “arbitre os mecanismos necesarios para canalizar o carácter solidario, xeneroso e comprometido que ten a sociedade galega”. Quintana fixo estas declaracións durante un cocktail benéfico celebrado o pasado venres en Sanxenxo a fin de colaborar con Intermón Oxfam no financiamento dun proxecto educativo en Perú que vai favorecer a máis de 20.000 nenos e nenas dos sectores urbanos máis marxinais.

Na súa intervención, o vicepresidente lembrou que a educación é a base do desenvolvemento dos países, polo que a cooperación debe actuar non só sobre as desigualdades de recursos, senón tamén sobre “as desigualdades de saber e poder”. Segundo Quintana, “non podemos conformarnos con loitar contra a pobreza, senón que temos que atacar as súas causas”, e neste senso incidiu en que a formación é fundamental para dotar aos países e aos seus cidadáns da capacidade para producir o que precisan e para participar nas decisións que lles afectan.

No pleno ordinario do pasado 30 de maio, deuse conta da liquidación consolidada da Conta Xeral do ano 2005. O Sr. Alcalde aproveitou para dicir que, en contra do que manifestara o BNG no seu día,  non só se cumprira o orzamento senón que se superara.

Que o Sr. Alcalde minte cada vez que fala é sabido por toda a cidadanía de Sanxenxo, máis que o faga de xeito compulsivo é algo preocupante, sobre todo cando sabe que os datos que vai presentar a Intervención Xeral do Concello demostran o contrario.

O resultado da liquidación consolidada que se presenta agora confirma que non se cumpriron as previsións plantexadas no orzamento xa que sobre unhas estimacións orzamentarias de ingresos e gastos de 38,6 millóns de euros, ingresáronse 30,9 e gastáronse 33,3 millóns.
Preme no título para ler a nova completa.
Preme nos arquivos engadidos para ampliar a información.

O Portavoz Nacional presume nun acto en Sanxenxo de poder dicir que no BNG “cumprimos o que prometemos”

O Portavoz Nacional do BNG, Anxo Quintana, afirmou hoxe nun acto en Sanxenxo que o BNG pode falar de que cumpre o que promete e é garantía de cambio, que ten continuar nas municipais, a través de máis alcaldes nacionalistas nos concellos.
Quintana explicou que un, dende o Goberno, non sempre pode facer todo o que quere pero, segundo dixo, iso a xente o entende, “o que non entende é que se faga todo o contrario ao que se dixo ou prometeu”.

En referencia concreta a Sanxenxo, puxo como exemplo a oposición á Ronda, “que defendimos hai un ano” e que agora “cumprimos o que prometimos”, e dixo que o BNG quería para ese municipio un urbanismo ao servizo de todos e non só duns poucos.

“Nós temos un proxecto de futuro para Sanxenxo –dixo- que ten que efectivizarse nas próximas eleicións municipais porque tamén temos a persoa para desenvolvelo, Roberto Fernández Lores”, quen precedeu a Quintana neste acto.

O Portavoz nacionalista explicou que se estaba a visualizar en Galiza un camiño diferente aos 16 anos de goberno do PP e lembrou que para isto está sendo determinante o BNG, “o que ten que continuar coas municipais, con máis alcaldías nacionalistas”.

“Nós temos un proxecto constructivo e estamos nun momento para construír”, concluíu.

En todas as declaracións que fai o noso Alcalde cando fala do porto deportivo de Sanxenxo di que coa súa excelente xestión o espazo portuario pasou dunhas mans privadas a ser propiedade de todos os veciños e veciñas do concello.

Tamén manifestou en diferentes ocasións, a última durante a celebración da Xunta Xeral extraordinaria da sociedade Nauta Sanxenxo solicitada polo BNG, que cando o porto era propiedade da empresa Davila Lago, S.L., esta puxo unha cadea que non permitía o paso aos veciños e veciñas e mesmamente pretendía cobrar 100 pesetas por aparcar os coches ...

Polo cal solicita o seguinte:

1. Que o aparcadoiro público do porto sexa de balde no período comprendido  entre o 15 de setembro e o 15 de xuño.
2. Que o mercadiño que se celebra actualmente dous días no contorno da piscina municipal en Portonovo, se traslade un dos días á praza pública da vila de Sanxenxo, chamada polo Sr. Alcalde “praza do Mar”.

Preme no arquivo adxunto para ver a moción completa.

Que o goberno do PP no Concello de Sanxenxo, despois de 7 anos “gobernando?” non foi capaz de atopar alternativas ao turismo de sol e praia é un feito.

Que o desprezo que mostran polo medioambiente é total, queda fora de toda dúbida.

Que todo que soe a rural, ecoloxismo, patrimonio, paisaxe, etc., parécenlle cousas anticuadas, ancoradas no pasado e fóra da modernidade, repíteno todos os días.

Que as suxestións e denuncias feitas polo grupo municipal do BNG non son oídas nin tidas en conta e pola contra descalificadas sen o máis mínimo respecto é unha evidencia.
Para ver a nova completa, preme no titulo.
Para ver as imaxes dos verquidos na Lanzada, preme no arquivo adxunto.

O pasado sábado día 11 de febreiro, os concelleiros/a do Grupo Municipal do BNG de Sanxenxo reunímonos na casa de cultura de Dorrón cun grupo duns 50 veciños/as da parroquia. O obxectivo era informalos/as sobre o proxecto de acondicionamento da vía que leva desde Os Cotos ata o cemiterio parroquial.

O BNG viuse na obriga de informar os veciños/as de Dorrón ante a falta de explicacións (e de diálogo) por parte da Administración da que depende a obra (Deputación Provincial) así como do propio Concello. O Alcalde debera preocuparse por informar os veciños/as directamente dunha obra de tanta magnitude e afección como é esta.
Preme no documento adxunto para ler a nova completa

A finais do mes de xaneiro, as escavadoras entraron no solo urbanizábel núm. 11 –Altos de Miraflores- procedendo á abertura de vías e desbrozado do monte. Aos concelleiros do BNG, no Concello de Sanxenxo, non lles consta que o proxecto de urbanización estea aprobado, paso previo para proceder a calquera tipo de obra nos solos urbanizábeis.

Preme no titulo para ler a nova completa
Preme no arquivo adxunto para ler a resposta do Concello

Os responsábeis do grupo de goberno do PP no Concello de Sanxenxo, teñen a cara moito máis dura que as chapas da obra que un supermercado está levantando ao carón da rotonda do Vimbieiro.

Despois de que o grupo municipal do BNG denunciara, o pasado día 12, que as devanditas obras non se axustaban a normativa contemplada para a concesión de licenzas no terreo no que se atopan, o grupo de goberno, en vez de paralizar inmediatamente as mesmas, arremeteu contra o BNG con descalificacións e frases de patio de colexio, sen entrar en ningún momento no fondo da cuestión e mesmamente dicindo que o Concello non tiña ningunha competencia sobre o asunto.

Preme no título para ler a nova completa.

Cando no mes de maio de 2004 o BNG alertara de que a entrada a Sanxenxo pola vía rápida se ía converter nunha zona de edificios comerciais con grandes superficies en detrimento do comercio local, o Grupo de Goberno respondeu que non se lles podía “limitar a abertura aos supermercados”. A realidade é ben distinta, e o caso do supermercado DIA reflite a política do goberno local, que non só non impide a implantación de grandes áreas senón que a favorece.

preme no titulo para ver a nova completa

O Grupo Muncipal do BNG solicitou a revisión de oficio do acordo Plenario do 23 de decembro relativo á proposta da Alcaldia de “Ratificación dos acordos da Xunta de Goberno Local sobre aprobación definitiva de instrumentos de planeamento de desenvolvemento do P.X.O.M. vixente” e a suspensión deste acto e de outros trámites directamente relacionados e afectados por ese acordo.

Preme no documento relacionado para ler a solicitude.

Esta situación está provocada pola mala tramitación dos instrumentos de planeamento, a pesar de dispoñer dunha Xerencia de Urbanismo que, segundo o Alcalde, remataría coas ilegalidades urbanísticas e axilizaría as tramitacións, pero feita a medida da súa mentalidade (promotor) que consiste en manexar persoalmente todos os asuntos urbanísticos incluídos aqueles que, como agora se demostra, non son da súa competencia senón do Pleno, cuestión xa advertida polo BNG no seu día.

Preme no título para ler a nova completa.

Preme no título para ler a nova completa.

Diante da escasez de espacio para o público no Salón de Plenos do concello de Sanxenxo, e co obxecto de favorecer a aprticipación dos veciños e veciñas na vida pública do seu concello, o portavoz do BNG Roberto Fernández Lores ven de solicitar do alcalde que, naqueles temas que sexan de especial interese para a cidadanía, as sesións plenarias se celebren no Pazo Emilia Prado Bazán en horarios axeitados para fomemtar a asistencia dos interesados.

Preme no título para ver a nova completa

Preme no título para ver a nova completa.

O grupo municipal do BNG no concello de Sanxenxo, preocupado pola decisión do equipo de goberno do PP de instalar as “feiras de artesanía” durante os meses de xullo e agosto en Portonovo e Sanxenxo, en contra da vontade e intereses dos comerciantes do concello, solicitou unha reunión coa directiva da asociación Entretendas, para coñecer de primeira man o punto de vista da situación por parte do colectivo.

Na reunión que se levou a cabo o venres día 8, os representantes do BNG escoitaron as reivindicacións dos comerciantes os cales presentaron un amplo dosier cos apoios recibidos dende os distintos colectivos, tanto do concello como da comarca e provinciais, e os escritos dirixidos ao Concello e a Xunta de Galicia solicitando a paralización das devanditas feiras.

Os concelleiros do BNG expuxéronlle aos directivos do C.C.U. a súa preocupación pola situación creada e manifestaron o total apoio as súas reivindicacións, informándolles que o grupo municipal do BNG  vai presentar unha moción no Concello, para debater no próximo pleno ordinario que se celebrará o día 27 de xullo, na que se solicitará a inmediata paralización das mal chamadas “feiras de artesanía”.

Por outra banda, o grupo de goberno no concello de Sanxenxo, en vez de mudar a súa actitude ante as demandas xeralizadas por parte dos comerciantes, utiliza a súa prepotencia para provocar e avivar máis o lume do conflito. Proba disto foi a decisión tomada o pasado xoves de pechar ao tráfico a rúa Rafael Picó de Portonovo, deixando diste xeito inutilizada a entrada máis importante ao pobo e restando unas prazas de aparcamento das que tan necesitados están na vila. Só paralizou, en parte, esta absurda medida, a intervención de un grupo de veciños afectados que, manifestándose na rúa, conqueriron que o Sr. Alcalde modificara a súa decisión.

A este grupo de goberno só lle valen as medidas de forza para que entren en razón. Descoñecen o que é o diálogo e o consenso para que non se vexan afectados os intereses dos veciños.

preme na imaxe para amplia-la

Aos concelleiros do grupo municipal do BNG de Sanxenxo, todo o relacionado coa empresa de capital público NAUTA SANXENXO S.L., cheiralle a podre.

Hoxe vivimos un novo episodio bochornoso relacionado con esta empresa.

Convocada a Xunta Xeral para as 9:15 horas,e tendo como único punto a aprobación das contas do ano 2.003, ésta rematou as 9:25 horas, coa total ausencia de explicacións e debate por parte da Presidencia.

A documentación entregada aos grupos da oposición limitouse ao balance simplificado para entregar no Rexistro Mercantil e a un informe do Interventor Xeral (un folio) que nun apartado dí: “Non se fan valoración sobre os aspectos de xestión que corresponden a Presidencia”.

O goberno do PP de Sanxenxo ten tan perdidos os papeis, que xa non se preocupa de manter o mínimo respecto aos membros da oposición, representantes, lexitimamente elexidos, dunha parte importante dos veciños e veciñas do concello.

O grupo municipal do BNG no concello de Sanxenxo síntese na obriga de comunicarlle aos veciños e veciñas o seguinte:

1.- Non se pode “despachar” en 10 minutos, a aprobación das contas anuais dunha sociedade, que ten aprobado un crédito de 15 millóns de euros (2.500 millóns das antigas pesetas) que está participada ao 100% polo Concello, ou sexa polos veciños e veciñas de Sanxenxo.

2.- Non se pode presentar un balance con uns beneficios de 109 euros (no ano 2.002 de 305 euros) sin dar ningún tipo de explicacións. Curiosamente os estatutos da sociedade dín que si ésta da perda, ten que disolverse.

3.- Hai máis de 2 meses que o grupo municipal do BNG ten solicitado ao Alcalde copia das actas do Consello de Administración da sociedade NAUTA SANXENXO, S.L., sen que a día de hoxe teña recibido nada.

A relación de motivos que nos leva a denunciar a falta de democracia no concello de Sanxenxo e ilimitada. Aos concelleiros do grupo municipal do BNG non nos pillan de sorpresa estas actitudes porque sabemos con quen tratamos, pero temos que denuncialas porque non nos permiten facer o labor que nos corresponde para velar polos intereses dos veciños.

O goberno do Concello de Sanxenxo só acepta parabéns, non acepta a máis mínima crítica. O seu lema é: “ou estás comigo ou estás contra mín”. Son intransixentes por natureza. Utilizan a súa maioría absoluta(tista) para tratar de conquerir un pensamento único. Isto en política ten un nome …

preme no título para ampliar a nova

Desde o BNG facémonos unha pregunta... É que hai alguén (vid. Xunta de Galicia e Alcalde de Sanxenxo) que considera que a parroquia de Dorrón non pertence ao concello de Sanxenxo? Debemos dicir que, desde a Alcaldía, difundiuse durante o desenvolvemento das obras unha información falsa, que falaba de asfaltado integral de todos os lugares onde se fixeran as beirarrúas (neste caso desde A Granxa ata Sanxenxo) e que non se mencinou en ningún momento un “parcheo” único e exclusivo para Dorrón. Falamos, polo tanto, dun gran ENGANO aos veciños e veciñas de Dorrón.

O BNG recolle o sentir veciñal de Dorrón e maniféstalle ao Sr. Alcalde que nin os dorroneses nin calquera que pase por esta parroquia (queira el ou non) do concello de Sanxenxo acepta a “discriminación dos remendos”.

O Concello ten o deber de velar pola uniformidade de trato e, no que nos atinxe, pola calidade óptima de todos os viais que polo seu territorio discorren.
Por todo isto, agardamos do Sr. Martín que lle esixa á Consellería de Política Territorial que se corrixan de inmediato as condicións nas que queda o treito Areas – A Granxa igualando o nivel de pavimentación e corrixindo tamén os defectos dependentes da execución da obra (pois quedaron numerosos accesos a pistas públicas así como a casas particulares en condicións moi deficientes).

Tamén nos consta que o que os veciños non acaban de entender é por que se lle poñen tantos atrancos coas aliñacións cando queren facer unha casa nas súas propiedades e logo pasa o que está pasando coa obra que está a facer o hipermercado CHAMPION na rotonda do Vimbieiro.

Preme no título para ver a nova completa.

1º.- En canto á solicitude dun estudo de Impacto Ambiental, din que en caso de facelo non cumprirían cos prazos para a saída da Volta o Mundo de Vela (Volvo Ocean Race). A este respecto temos que lembrar que foi polo mes de novembro do ano pasado, hai preto de 6 meses, cando se comenzou a debater este tema, polo tanto se se demorou ata estas datas non é por outra cousa que pola falta de previsión e incompetencia do grupo de goberno.

2º.- O grupo municipal do BNG mantén a mesma postura con respecto ao Club Náutico agora, que a que defendía no mes de novembro pasado. O novo edificio que pretende construír o Club Náutico, segundo a maqueta que se presentou á prensa, é o mesmo que nos mostrou o seu presidente, Pedro Campos, nas reunións mantidas con este grupo por aquelas datas. A diferenza radica en que antes o edificio de 3 alturas partía da rasante que ten actualmente o porto e polo tanto sobresairía sobre o espigón apenas unha altura, e agora vai instalado sobre dúas alturas de 6 metros (un metro máis que a praza que vai quedar sobre os aparcadoiros) sobresaíndo na súa totalidade por enriba do espigón. Agora enténdese porqué o Sr. Alcalde e o seu grupo, non facilitou a comparecencia do Presidente do Club Náutico na Xunta Xeral de Nauta Sanxenxo, S.L. solicitada polo BNG o 25 de novembro de 2.003.

 3º.- O BNG coñecía as esixencias da Volvo Ocean Race, xa  daquela entonces, para que lle fora concedida a Sanxenxo ser base da saída da Volta o Mundo de Vela, e así o facía constar na convocatoria da Xunta Xeral de Nauta Sanxenxo:

“A elección de Sanxenxo como centro operativo da regata “Volvo Ocean Race”  debe estimular aos grupos municipais  a facer un traballo transparente   diante das  tarefas que se aveciñan, e  dialogar en busca de consensos nas obras que se acometerán  para acadar os compromisos adquiridos  con Volvo Ocean Race.

Estes consensos só son posíbeis a través dunha comunicación fluída, de diálogo e transparencia, con achegas de todos os grupos e debates,  para os que se ofrece este  grupo do BNG”

Esixencias que negaba o Sr. Alcalde e agora dí que é o BNG quen pon trabas para a celebración de tan importante acontecemento. Quen lle cree?

O Bloque Nacionalista Galego está tan interesado coma o resto dos veciños do concello de Sanxenxo en que se celebre este evento, pero o que non vai a permitir baixo ningún concepto é que, coa desculpa da falta de tempo, se aproveite para cometer ilegalidades nin obras que condicionen á perpetuidade o futuro do recinto portuario.

Preme no título para ler a nova completa.