O BNG emplaza aos Sres. Barral e Louzán a que aclaren todo o que pasa co caso Nuñez Reboredo, e asuman as súas responsabilidades no que é un novo revés para os intereses do Concello.
Neste momento, sen contar o caso Núñez Reboredo, o Concello de Ribadumia ten asumido unha débeda derivada da 2ª fase do Polígono de máis de 1.200.000 euros.

21 febreiro 08. A sentencia xudicial inhibíndose da denuncia presentada polo Concello de Ribadumia para cobrar os terreos do Polígono adxudicados a Núñez Reboredo volta a ser un reves para os intereses de Ribadumia, posto que se cerra outra porta.

O feito determinante nesta sentenza e a aparición do famoso “ANEXO” ao convenio no que se afirma que o empresario xa tería cumpridos os compromidos co Concello de Ribadumia ao abonar a súa debeda a empresa que urbanizou parte do Polígono. Este anexo non foi ratificado en ningún pleno nin Comisión pero si esta asinado polo alcalde naquel entonces, o Sr. Barral.
Preme no titulo para ler a nova completa.

Trátase de vivendas de entre 2 e 3 dormitorios cun prezo de venda que oscila entre os 74.000 e os 95.000 euros en función da superficie e nº de dormitorios

14 febreiro 08. A Consellería de Vivenda e Solo, que dirixe a nacionalista Teresa Táboas, adxudicou a través do Rexistro Único de Demandantes de Vivenda Protexida 23 vivendas de protección autonómica (VPA) no Concello de Ribadumia. As vivendas sorteáronse ante notario entre un total de 103 persoas inscritas no Rexistro e cuxas solicitudes – expostas no impreso de inscrición – se axustaban ás características destas vivendas protexidas.

 As vivendas protexidas están ubicadas na localidade de Barrantes e trátase de nove vivendas de tres dormitorios cun prezo de venda de 95.000 € e foron sorteadas entre un total de 57 persoas inscritas no Rexistro. As 14 vivendas restantes dispoñen de dous dormitorios cun prezo de venda que oscila entre os 74.000 e os 77.000 € en función da superficie, e foron sorteadas entre 41 solicitantes.

O B.N.G. reclama o arranxo da dotación de auga á fonte “Deite” en Lois, e ao lavadoiro de Couto de Arriba, así como a restauración da fonte da Cubela en Cabanelas.

23 novembro 07. Ramón Mouriño critica que despois de que a Mancomunidade gastase máis de 40.000 euros no arranxo destas construccións, nadie se preocupase de conectar a tubería da auga.
Preme no titulo para ler a nova completa.

No pleno de onte o P.P. aprobou a solicitude dun anticipo de creto por valor de 305.000 euros.  Cada veciño de Ribadumia terá que aportar 67 euros para pagar a sentencia de OBEXCAR.

7 setembro 07. No día de onte celebrábase Pleno Ordinario no Concello de Ribadumia e no orde do día figuraba a solicitude dun anticipo de creto a Deputación Provincial por valor de 305.000 euros, importe necesario para abonar a sentenza do xuízo promovido pola empresa OBEXCAR.  O anticipo de creto solicitase a Caixa de Anticipos da Deputación e prevese a súa amortización nun período de dez anos.

A intervención de Ramón Mouriño, Portavoz do B.N.G. baseouse en dous eixos: o aumento da débeda do concello e a falta de asunción de responsabilidades políticas pola situación creada.
Preme no titulo para ler a nova completa.

Entre as propostas destacaba a revisión das licenzas de urbanizacións en solo de núcleo rural, en especial a de “As Mimosas” por considerar que non cumpria a lexislación vixente.

17 agosto 07. O portavoz do BNG en Ribadumia, Ramón Mouriño, presentou o 27 de Xullo un escrito no Concello no que se poñia sobre a mesa os problemas urbanísticos que estaba a sufrir o municipio, ao tempo que  se propoñian unha serie de medidas para por fin a situación actual.
A falta de planificación e control sobre o urbanismo que demostra o equipo de goberno do Partido Popular está a provocar unha situación de anarquia urbanística, en especial nos núcleos rurais, nos que están a proliferar urbanizacións sen nengún tipo de criterio nin ordenación urbanística racional.
Preme no titulo para ler a nova completa.

27 xullo 07. Resume da intervención que Ramón Mouriño, portavoz do Bloque Nacionalista Galego na Corporación Municipal de Ribadumia, fixo no pleno celebrado no día de onte, no punto no que se debatía a proposta de orzamento para o presente ano 2007.

Da análise do orzamento presentado polo Partido Popular dedúcense 4 elementos:...

Preme no titulo para ler o resume da intervención.

O BNG considera que o P.P. quere utilizar a maioría absoluta para reducir e acotar a opinión e participación da oposición na vida política do Concello.

29 xuño 07 . O Xoves celebrouse o 1º pleno da nova corporación municipal do Concello de Ribadumia, no que se tratarón os temas referentes a organización e funcións dos distintos organos e concelleiros da nova corporación saída das eleicións e; neste pleno, quedou constatada a intención do Partido Popular de valerse da maioría absoluta para prescindir o máximo posible da opinión dos grupos da oposición, REDUCINDO AS SÚAS POSIBILIDADES DE PARTICIPACIÓN.
Preme no titulo para ler a nova completa.

O delegado provincial da Consellería de Vivenda e Solo confirmou estas inversións na reunión que mantivo na sede da Delegación pontevedresa co candidato do BNG en Ribadumia, Ramón Mouriño

16 maio 07. Ramón Mouriño e Belén Rodríguez Alvarellos, nandidatos do BNG no concello de Ribadumia mantiveron unha xuntanza de traballo co Delegado Provincial da Consellería de Vivenda e Solo, Eudosio Álvarez. O delegado informou aos candidatos sobre o estado actual de tramitación do expediente para a construcción de vivenda pública en Ribadumia e sobre os compromisos de investimento que a Consellería vai a facer neste concello.
Preme no titulo para ler a nova completa.

O histórico líder nacionalista fixo un discurso vehemente no que arremeteu contra Rafael Louzán e contra aqueles que limitan ou condicionan os dereitos democráticos fundamentais dos cidadáns.
Mouriño subliñou que o BNG demostrou nestes catro anos que en Ribadumia “hai outro xeito de facer política”

9 maio 07. Ramón Mouriño confesou que onte veu cumprido un soño que tiña dende que empezara nesto da política, o de compartir un mitin con Xosé Manuel Beiras. O histórico líder nacionalista achegouse onte ata Ribadumia para participar na presentación da candidatura que encabeza Mouriño. E fíxoo ao seu máis puro estilo. Foi unha soberbia clase de pensamento político exposta con vehemencia e paixón. Beiras foi especialmente duro coa figura do presidente da Deputación a quen retratou como o mellor expoñente que aínda perdura en Galicia do xeito caciquil de facer política. “E en Ribadumia, por desgracia, sabédelo mellor que en ningún outro sitio”, dixo. Beiras non escatimou halagos para a candidatura de Mouriño a quen presentou como “o único capaz de garantir unha verdadeira democracia participativa” en Ribadumia.
Preme no titulo para ler a nova completa.

O cargo non é renumerado e ten como función coordinar os traballos da Comisión e trasladar as propostas e conclusións á Dirección Nacional e ao Grupo Parlamentario do BNG.

3 maio 07. O BNG constituíu onte en Santiago de Compostela a súa Comisión Nacional de Sanidade. Como presidente da mesma foi nomeado o candidato á Alcaldía de Ribadumia Ramón Mouriño na súa calidade de membro do Consello Nacional do BNG.
preme no titulo para ler a nova completa.

Ramón Mouriño mantivo onte unha reunión coa asociación de empresarios do polígono, na que estes lle manifestaron a súa preocupación pola mala imaxe que xeneran estos terreos valeiros.
Os nacionalistas ofrecéronse para colaborar na xestións necesarias para consecución de servizos demandados polos empresarios, como a gardería ou a consulta médica.
Unha das novidosas propostas do BNG foi a de elaborar un Plan de Formación Ocupacional dende o Concello adaptado ás necesidades das empresas de Ribadumia

26 abril 07. Houbo entendemento e coincidencia en moitas apreciacións. O candidato do BNG en Ribadumia, Ramón Mouriño, mantivo onte un encontro coa asociación de empresarios do polígono industrial do Salnés. O obxectivo era o habitual nestas xuntanzas, coñecer de primeira man a situación e as necesidades das empresas instaladas no polígono, así como os proxectos de futuro que teñen e, ao mesmo tempo, expoñerlles as liñas básicas do programa nacionalista naquelas cuestions que poden afectar ao desenvolvemento de esta área industrial.
Preme no titulo para ler a nova completa.

No día de hoxe ven de aparecer no medio de comunicación “A Voz de Galicia”, unha nova relacionada cunha vista xudicial entre o Concello de Ribadumia e o empresario Nuñez Reboredo, pertencente ao litixio sobre a reclamación do Concello de Ribadumia sobre a venta dunha parcela do Polígono e o abono da mesma. Esta nova e continuidade doutra que xa saiu fai unha semana sobre o tema. Neste caso, según informa o medio, tratabase de realizar unha anotación no rexistro da propiedade sobre a finca en cuestión, segun afirma o periodista “para impedir a súa venta”; cuestión que foi rexeitada polo xuíz.
Tamén se fai referencia nesta notica, e sobre todo na da semana anterior, a existencia dun anexo ao convenio urbanístico asinado no seu día entre o Concello de Ribadumia e este empresario para a cesión da parcela. Suxirese nestas novas a que no xuizo “apareceria” este anexo e que nel se demostra que o empresario xa tería saldada a deuda da parcela co Concello de Ribadumia, deuda que segun da contabilidade municipal ascendería a 56 millóns das antigüas pesetas.
Preme no titulo para ler a nova completa.

Ramón Mouriño satisfeito polo compromiso expresado pola Delegada de financiar o acondicionamento da Praza de Abastos de Barrantes

O portavoz do Grupo do BNG en Ribadumia, Ramón Mouriño, trasladouse no día de hoxe a Pontevedra, a sede da Delegación da Consellería de Innovación e Industria, onde tivo unha reunión coa Delegada da Consellería, a tamén nacionalista Monserrat Prado Cores.

Ramón Mouriño trasladoulle a Delegada a necesidade de acometer unha reforma integral da Praza de Abastos de Barrantes, a única existente no Concello de Ribadumia, e que se atopa en moi mal estado de conservación, logo de que o Concello de Ribadumia non realizase ningunha obra de mantemento nos últimos anos, situación que incluso provocou que algún grupo político propuxera o seu traslado e realizar algún acordo urbanístico sobre a parcela. O BNG pola contra considera que a praza pode chegar a ser un elemento dinamizador da economía do comercio da zona e sempre defendeu a súa ubicación no núcleo de Barrantes...
Preme no titulo para ler a nova completa.

O grupo municipal do BNG, logo da Festa de Tinto de Barrantes do presente ano 2006, quere facer as seguintes valoracións ao respecto da organización e resultado da mesma, así como do papel do Concello de Ribadumia.

• Felicitar aos premiados na celebración deste ano e a tódolos viticultores en xeral pola excelente calidade dos viños seleccionados (podo decilo con coñecemento de causa pois fun parte do xurado da cata final).
• Parabens tamén para a organización polo ben que se desenrolaron tódolos actos e a cantidade de xente que acudiu este ano a festa. Claramente consolidase o Tinto de Barrantes como o inicio da temporada de festas de verán e cada vez son mais persoas as que acuden a Ribadumia a desfrutar desta festa.
• Resaltar especialmente o bon resultado que deu o corte da rúa principal de Barrantes ao tráfico. Con esta medida, reclamada xa outros anos polo BNG, demostrouse que, sen causar excesivos problemas de transito, se pode desfrutar mellor da festa e das actividades e exposicións.

Preme no titulo para ler a nova completa.

Ramón Mouriño, portavoz do BNG en Ribadumia, presentou unha moción para o pleno que se celebrará hoxe, na que solicita a creación dunha comisión de traballo que teña como obxectivos: estudar iniciativas para a mellora da praza de abastos municipal, e que se soliciten as axudas establecidas pola consellería de industria destinadas a actuacións de mellora do comercio local.
Preme no titulo para ler a nova completa.
Preme no documentos adxunto para ler a moción

Levará a responsabilidade técnica das áreas de urbanismo e obras e eliminaríase o Contrato de Asesoramento que existe actualmente.

O Grupo do BNG en Ribadumia levará ao próximo pleno da corporación unha proposta para a contratación dun Aparellador para asumir a responsabilidade técnica das áreas de urbanismo e obras.  Esta contratación pasaría a ter a responsabilidade técnica das áreas de urbanismo e obras: Prestaría todo o asesoramento necesario en materia urbanística, tanto a corporación municipal como os cidadáns que o precisasen e sería o encargado de informar sobre as Licencias de obra solicitadas así como de facer o seguimento das mesmas. Por outra banda tamén asumiría funcións de dirección técnica das obras que dependan do Concello.

Caso de aprobarse significaría poñer fin a situación actual, na que o Concello conta, dende fai anos, soamente con un asesor urbanístico, que ten un “contrato de servicios” compartido entre os Concellos de Ribadumia, Meis e Portas, de tal xeito que esta persoa só acude o Concello de Ribadumia un máximo de dous días a semana.  Para o BNG esto e a todas luces insuficiente para atender adecuadamente con tódalas funcións que deben prestarse dende a responsabilidade técnica na área de urbanismo, sobre todo logo do aumento nas licencias de construcción que tivo Ribadumia logo da aprobación do Plan Xeral de Ordeación Municipal.

Por outra parte tamén se aprecia unha carencia de asesoramento técnico en materia urbanística os veciños, sobre todo agora que se están a levar a cabo cuestións tan importantes como a revisión do catastro da urbana ou a Concentración Parcelaria.

Ao mesmo tempo, a contratación dun aparellador a tempo total, suporia que esa persoa poidese facer un seguimento continuo das obra publica que se está a desenvolver polo Concello, exercendo a responsabilidade técnica da área de obras e prestando o debido asesoramento o grupo de governo e a corporación, para evitar, como xa ten pasado, errores na realización das mesmas e velando polo bo fin da obra así como o cumprimento dos prazos de construcción.

Aproveitamos para criticar a situación que parece que se está a dar na actualidade, onde semella que está a exercer tarefas de xefe de obras, unha persoa que non ten ningunha relación laboral co Concello de Ribadumia. Para o BNG que está situación non é correcta xa que esta persoa, ao non estar contratado polo Concello, non ten ningunha responsabilidade adquirida e polo tanto as súas accións non poderán ser en ningún caso respaldadas pola Corporación Municipal.

Importante tamén mencionar que o BNG pide a contratación por concurso público deste posto de traballo, solicitando que bases de contratación sexan elaboradas na comisión de persoal e que se constitúa o correspondente tribunal de valoración coa presencia da oposición. Só así se podera garantir o respeto a igualdade entre tódolos aspirantes, así como a independencia política da persoa que finalmente resulte contratada.

preme no documento relacionado para ver a moción