1 setembro 08. A pasada semana o señor Louzán declaraba perante os medios de comunicación que o Polígono de Meis-Barro estará rematado a finais deste ano.

Desde o BNG consideramos que é unha tomadura de pelo que este señor realice este tipo de declaracións cando todo o mundo sabe que o Polígono de Meis non existe. Os concelleiros e concelleiras da Corporación Municipal de Meis descoñecen a estas alturas a situación real da parte que atinxe ao concello, a falla de información por parte do alcalde é total.

Os veciños de Meis asisten atónitos como na parte de Barro, concretamente no lugar de Outeda, as obras marchan a bó ritmo, que están máis avanzadas e a piques de rematar, namentres a parte de Meis, a do lugar de Porto Salgueiro, non sabemos nin como está
Preme no titulo para ler a nova completa.

27 agosto 08. Os veciños de Meis debemos ter unha expresión entre a risa, a sorpresa e o desconcerto. Unha vez máis, atopámonos coa falla de escrúpulos do Partido Popular á hora de utilizar os cartos públicos, e por riba inténtandonos vender un saco de promesas valeiras.

• O ruxe-ruxe dun adianto das eleccións ao Parlamento galego leva aos dirixentes populares da Deputación a rascar o fondo do saco en beneficio da súa formación política e a engatusar aos homes e mulleres que caen nas suas redes, para lograr uns resultados que lle permitan un uso abusivo  do poder que lle confiren as urnas.
• En Meis hai apenas un mes que nun pleno extraordinario se daba conta da situación económica que está a atravesar o noso concello, cunhas débedas astronómicas, unha morea de facturas sen pagar do exercicio 2007, un goberno municipal solicitando máis e máis préstamos, endebedando as arcas de por sí valeiras até extremos insospeitabeis. E no medio desta situación, de completa crise económica, da que tampouco é allea a Deputación, van e convidannos á Iª xuntanza da Ruta da Pedra e da Auga e á inauguración do que chaman aldea labrega, xunto cunha comida campestre e con actuacións musicais varias e autobuses para acudir á cita de Louzán.

Preme no titulo para ler a nova completa.

17 xullo 08. O BNG calificamos o orzamento presentado polo PP de Meis como “unha soberana tomadura de pelo aos veciños de Meis” e facemos unha análise pormenorizada da situación económica que atravesa o Concello, calificando a situación coa frase “Non hai un peso”.

A realidade non é so que existan facturas pendentes de pagar por valor  de algo máis de 63 millóns das antigas pesetas(382.708 euros).O problema é moito máis acuciante e vai máis alá, pois non sería eso un excesivo problema se o orzamento presentado de tres millóns de euros fora real e si a débeda do concello fora esa. Pero esos 382 mil euros NON SON A DÉBEDA DO CONCELLO.QUEN DI ESO MINTE  A TODOS OS VECIÑOS DE MEIS.
Preme no titulo para ler a nova completa.

11 decembro 07. O BNG de Meis presenta no Concello unha moción para que realice o inventario municipal de bens, dereitos e accións do Concello.
Preme no arquivo engadido para ler a moción.

Documentos Relacionados:
Moción inventario

O deputado do BNG Bieito Lobeira formulou esta mañá na Comisión Primeira do Parlamento unha pergunta oral sobre as actuacións policiais que se produciron hai un mes no Salnés, cando varios cidadáns foron agredidos e detidos pola Policía, “por erro”.

26 febreiro 07. En opinión do parlamentar nacionalista, feitos coma éste, “propios de outras épocas”, non son os primeiros deste tipo que se producen no noso país. “Asi non se pode tratar á xente”, concluíu, ao tempo que asegurou que coñece, de primeira man, casos nos que as forzas de seguridade se extralimitan no exercicio das súas funcións.
Preme no titulo para ler a nova completa.

O parque, que será unha referencia en Galiza, contará con Aulas Didácticas da Natureza e un Área Rupestre.

8 maio 07. O BNG de Meis ven de incuir no seu programa unha proxecto que convertiría ao Monte Castrove no pulmón verde das Rías Baixas e na maior zona de esparcimento de Galiza, aproveitando o interese medio-ambiental, paisaxístico, productivo, natural, histórico e cultural que ese entorno ofrece.
Preme no titulo para ler a nova completa.

Mari Carme Martínez Rodiño, Xosé Antonio Xiráldez, María Dores Montoya, Esther Vázquez e Antón Vázquez ocupan os primeiros postos da candidatura nacionalista

24 abril 07. A continuidade non ten porque estar enfrontada á renovación. A lista do Bloque Nacionalista Galego en Meis é un bo exemplo. A candidatura renóvase nunha terceira parte con respecto á de hai catro anos, pero mantén unha absoluta coherencia con aquela e comparte semellantes obxectivos.
Preme no titulo para ler a nova completa.

“O BNG non vai a entrar nese terreo. Non é o noso estilo. A nosa resposta estará no noso programa electoral e no noso compromiso cos veciños”

17 abril 07. “O alcalde ten medo, sabe que vai perder a maioría absoluta, e por iso está tan nervioso”. Só dese xeito entende Mari Carme Martínez Rodiño as acusacións que hoxe aparecen nalgúns medios de comunicación en referencia a situación das fincas dalgúns dos seus familiares.
Preme no titulo para ler a nova completa.

Os nacionalistas solicitan que se modifique o proxecto para que as canteiras de San Lourenzo de Nogueira e Paradela non se vexan perxudicadas.
O BNG solicítalle á Consellería que convoque unha xuntanza entre os colectivos e persoas afectadas con técnicos do departamento

11 abril 07. A portavoz municipal e candidata do BNG á Alcaldía de Meis, Mari Carme Martínez Rodiño, presentou ante a Dirección Xeral de Obras Públicas, dependente da Consellería de Política Territorial, Obras Públicas e Transporte, unha serie de alegacións en relación ao estudo informativo do corredor a PO-531 Pontevedra-Vilargarcía, ao seu paso polo concello de Meis.
Preme no titulo para ler a nova completa.

A candidata do BNG manifestou que quere “un concello no que se conte coa xente”

17 marzo 07. No acto de presentación diante dos veciños e veciñas como candidata á alcaldía do concello de Meis Mari Carme Martínez Rodiño  deixou claro que o seu primeiro obxectivo é situar ao BNG no próximo Goberno local.

“O Grupo de homes e mulleres do Bloque en Meis, que teño a honra de encabezar, temos deseñado un proxecto real e ilusionante para todos e todas nós. Outro Meis é posíbel. É posíbel porque hai xente disposta a traballar polo concello que todos queremos, e son as persoas que forman a lista do Bloque para as próximas eleccións do 27 de maio.”
Preme no titulo para ler a nova completa.

O escándalo chega unha vez máis ó concello de Meis a través das manifestacións do seu Alcalde, e como non, no último pleno ordinario celebrado o pasado luns día 29 de Xaneiro.
A orde do día non tiña nada de especial relevancia, de feito só tiña un único punto a votar polos membros da Corporación, pero o debate fraguose no apartado de rogos e suxestións. Nesta ocasión o que provocou o clamor xeralizado, tanto dos membros da oposición, do público asistente e incluso de algún membro do Grupo Popular, foi que do tan vendido tema dos terreos, según o alcalde, alugados para facer un obradoiro e amosar á xente nova que se pode vivir do campo, a día de hoxe  NON HAI NADA DE NADA.
Preme no titulo para ler a nova completa.

A Reitoral da freguesía de San Vicente de Nogueira forma un dos patrimonios máis importantes do concello, mas atópase nun estado de abandono desde hai xa varios anos.

Desde o BNG consideramos que é o lugar idóneo para os veciños de Nogueira como lugar de encontro, reunións e ademais como eixo canalizador de actividades, sendo o Centro Social ou Sociocultural que  precisa a parroquia. Recentemente falouse de facer un Local Social para reunións dos veciños no monte Riás, denominado “aula didáctica”, á altura do campo de fútebol do Zacande e do Pre-escolar de Nogueira, e coidamos que  unha maneira de optimizar os nosos escasos recursos económicos e ó mesmo tempo ofertar ós veciños esa aula  sería  invertir esa partida  no acondicionamento e restauración do edificio reitoral.
Preme no arquivo engadido para ler a moción completa.

O BNG non comprende “que Meis abandone a reunión na que se ían expoñer as axudas do Goberno galego para paliar os danos dos incendios”

A Portavoz Municipal do BNG en Meis lamentou a “falta de respecto institucional do Alcalde Meis”, quen abandonou a reunión á que fora convocado polo Goberno galego e na que se ían comunicar aos rexedores municipais as liñas de axudas económicas que o Goberno galego habilitou para resarcir as perdas causadas polos lumes, así como as medidas máis urxentes de recuperación do monte”.
Para Meis, “coa súa actitude, o Alcalde demostrou que utiliza o seu cargo para facer a política de enfrontamento do PP coa Xunta de Galiza, en lugar de actuar como Alcalde de todos os veciños e veciñas e ter unha actitude de cooperación e boas relacións co Goberno galego”. Os nacionalistas consideran “inconcebíbel que o Alcalde se comporte de maneira crispada e sen respecto institucional cando a Xunta pretende beneficiar aos afectados polos lumes. Co seu abandono da reunión, Meis deu unha imaxe negativa do noso concello e demostrou que en realidade non lle preocupan as axudas senón que o que lle interesa é a bronca”.

O BNG atribúe a actitude do Alcalde “ao seu nerviosismo pola proximidade das eleccións municipais e aos intentos do PP de crispar a vida política”.E pedirán explicacións ó rexedor polas súas ,para eles “inexplicables” ,actuacións no pleno a celebrar a finais de setembro.
Preme no titulo para ler a nova completa.

No concello de Meis, dende hai pouco máis de quince días, impídeselle o acceso á documentación ós membros do Grupo Municipal do Bloque Nacionalista Galego do xeito no que o viñan facendo dende hai anos.
Dende o día cinco de Maio, no que se nos denegou á documentación que solicitaban por parte da Secretaria do Concello, informóusellenos tamén pola mesma funcionaria, que a partires desa data tiñamos que solicitar todo por escrito, e que se nos comunicaría  a data e maila hora na que se nos estivera permitido o acceso.

Ante a sorpresa do acontecido, a Portavoz do BNG entrevistouse co señor Alcalde, quedando éste en analizala situación, explicando que a situación obedecía á intención de facilitar a laboura da Oposición e o traballo do funcionariado.

Pero a sorpresa e o malestar nas filas nacionalistas foi maiúsculo, cando unha semana despois, se nos fai entrega dun escrito asinado por Pérez Estévez, onde se lle di que temos acceso á documentación solicitada DEZ MESES DESPOIS.
Preme no titulo para ler a nova completa

O pasado 28 de novembro celebrouse un pleno ordinario no concello de Meis, cuxa orde do día só tiña un punto para o seu debate e posterior votación . Pero, unha vez máis, BNG levou á mesa outros temas entre o que se atopaba o do entorno do campo de golf  no  Castrove.

O rexidor meisino acudeu á asemblea da Comunidade de Montes de San Salvador de Meis para falarlles da expropiación dos terreos que dita comunidade posue no Castrove, ó mesmo tempo que tamén teñen alí terreo as comunidades de Montes de Silván e Armenteira, comunicandolles que a pretensión para esa zona era a de edificar vivendas, zona comercial, campo de fútbol, entre outros, e que o método era a expropiación, de mutuo acuerdo según o Sr.Pérez Estévez, chegando a fixar un prezo de 12 euros m2, o que ao parecer foi acollido polos comuneiros de San Salvador cun gran entusiasmo e total aceptación, polo que, chegaron a votar favorablemente a esas propostas na mesma asemblea, según deixou constancia no pleno o alcalde de Meis, e como resposta á portavocía do BNG que preguntaba que había respecto a ese tema.

Preme no título para ler a nova completa

O pasado 28 de Novembro celebrouse un pleno ordinario no concello de Meis onde o BNG criticou o xeito de cobro por parte do organismo municipal. Pois pasaron os recibos ó cobro, este pasado mes de novembro, pero é unha facturación correspondente ó primeiro semestre do ano 2005, de xaneiro a xuño. Para o BNG en Meis, o erro cometido ou as accións mal efectuadas son as encamiñadas a proceder ó cobro sen facer unha información adecuada ós cidadáns, xa que según pensamos, deberase haber enviado unha misiva a cada domicilio que fai uso do servicio, para informarlles polo miudo das accións a efectuar, máis todo aquelo concerniente ó servicio e que pode ser do interese dos usuarios, como por exemplo que saiban as medidas de presión  da auga suministrada para que efectuen as revisións das suas instalacións ou as melloras que lle compran para evitar sorpresas nas redes das súas vivendas como de feito está a acontecer. Non só isto, senón, que ademais se están a pasar uns recibos a través do ORAL, que, según as queixas veciñais, e a través do BNG, así quedou patente no pleno, non se corresponden co gasto efectuado, o que parece ser debido a erros nas lecturas dos contadores, ou na posterior anotación dos datos, o que levou a que algúns domicilios reciban facturas cun valor que supera os mil euros( máis de 160.000 mil das antigas pesetas) , e son habituais ademais e moi numerosas as que superan os 300 euros.

Dende o BNG solicitouse mais minuciosidade a hora de efectuar as lecturas e de facelas correspondentes anotacións, ademais de correxir de forma inmrediata os erros que levaron ós abusos nos recibos, e dos que os veciños non teñen culpa. Algo que debe asumir, según o BNG, o propio concello, que é de onde parte o erro. Co que en principio estivo dacordo a alcaldía, recoñecendo o exposto pola portavocía nacionalista, pero ate o momento, por parte do concello, salvo información de última hora, non se fixo nada para arranxar esta grave problemática.

Mª do Carme Martínez Rodiño, Voceira do Grupo Municipal do Bloque Nacionalista Galego, apresentou unha MOCIÓN para o seu debate en Pleno:

A Oposición en xeral, e o BNG en particular, leva desenvolvendo un traballo desde hai anos no concello de Meis, máis as condicións nas que é realizada a sua labor non son, na sua meirande parte, efectuadas nunhas condicións dignas. Unha das funcións dos partidos da Oposición é a de recoller as inquedanzas, os problemas dos viciños e viciñas e outros para expoñé-las no Pleno.
O Bloque Nacionalista Galego considera que a Oposición de Meis debe contar cun lugar na Casa Consistorial onde poderse manexar e así contribuir co Governo Municipal no desenvolvimento e mellor funcionamento do concello. A Oposición de Meis ten o mesmo direito que o Governo Municipal para efectuar o seu traballo case nas mesmas condicións.
Proximamente, contempla-se o traslado da Biblioteca Municipal á Casa da Cultura quedando un lugar bastante amplo, e polo tanto unha parte da cal pode ficar para unha Oficina ou Oficinas, dependendo dos partidos existentes, para Oposición.

Por todo isto, o Bloque Nacionalista Galego de Meis solicita que o Pleno inste ao Governo Municipal para a adecuar ese espazo baleiro ou unha parte que vai quedar na Casa Consistorial tras o traslado da Biblioteca Municipal para o uso da Oposición, para que poida efectuar o seu traballo e contribución nunhas condicións axeitadas e decentes.

Preme no documento relacionado para ver a Moción.

Mari Carme Rodiño

As cuestións veciñais-municipais chegan aos Plenos de Meis ao traverso das Mocións, Perguntas e Suxestións plantexadas polo BNG.
Os concelleiros do PP non se gañan o soldo e paréce-lles unha pérdida de tempo os plenos municipais.

Preme no título para ver a nova completa