Fernado Casal Tacón, voceiro do grupo municipal do Bloque Nacionalísta Galego,
presenta a seguínte Moción para o vindeiro Pleno.

En Catoira, tivemos que sufrir un dos atentados máis graves cometídos no noso país contra o patrimonio histórico-artístico, como é o viaducto que sobrevoa por enriba das milenarias Torres de Oeste.

Agora, o Ministerio de Fomento, contempla no trazado do Eixo Atlántico ferroviario,  a construcción dunha ponte sobre o rio Ulla, a menos de dous kilómetros rio abaixo das Torres, co conseguinte impacto ambiental. Esto vai supor para a nosa vila un cambio importante na estética da mesma, pois afeará notablemente unha zona de singular beleza, como é o estuario do rio Ulla, incluído na rede natura, máis ainda, se a ponte leva apoios no rio.
Preme  no titulo para ler a nova completa.

Madrid, 13 Xuño 08. A deputada do BNG no Congreso, Olaia Fernández Davila, rexistrou unha iniciativa parlamentar na Cámara Baixa para preguntarlle ao Ministerio de Fomento por que razón procedeu a licitar o tramo do Eixo Atlántico ferroviario entre Vilagarcía e Catoira “sen ter rematado o prazo de presentación de alegacións”.

“A que se debe que Fomento non tivera en conta ningunha das alegacións presentadas polo concello de Catoira ao proxecto de trazado pola zona? Vai o Ministerio a estudar e analizar as propostas da corporación municipal para reducir o impacto medioambiental nunha zona de grande valor ecolóxico como é o entorno do río Ulla?”, son algunhas das cuestións que Davila formula ao Ministerio.

Ademáis, a parlamentar do BNG solicita ao Ministerio de Fomento que retome o proxecto inicial de construción dunha ponte colgante sobre o río Ulla. “Dada a aposta que o Goberno dí ter co medio ambiente, non debería desbotar a idea de construir unha ponte con pilares de formigón sobre o río para preservar na medida do posíbel este rico entorno?”.
Preme no titulo para ler a nova completa.

Unha representación do BNG asistirá á marcha que os traballadores e traballadoras convocaron para mañán en Catoira.

30 abril 08. O Consello Comarcal do BNG, reunido onte, analisou a situación que se está a producir na fábrica de Cedonosa en  Catoira, e acordou amosar publicamente o seu apoio aos traballadores e traballadoras nas súas reivindicacións laborais pola defensa dos seus postos de traballos e pola  búsqueda dunha solución á grave crise que se está a dar na devandita empresa.

O Consello Comarcal do BNG acordou que unha representación deste organismo asista á marcha convocada para mañán xoves primeiro de maio, que sairá ás 12h. da Casa do Concello de Catoira e rematará diante da empresa.

5 abril 08. Fernando Casal Tacón, voceiro do grupo municipal do BNG de Catoira presenta a seguinte  moción, para que sea debatída  no vindeiro Pleno da Corporación Municipal.

O grupo municipal do BNG fixo unha visita ao colexio público C.P.I. Progreso, onde , ademais de facer un percorrído polos catro edificios que conforman o centro, entrevistouse co director do mesmo, para informarse  dos principais problemas que ten o colexio.
Asemade, o BNG, tivo unha entrevista ca ANPA, para recoller as preocupacións das nais e pais dos alumnos, comprobando o desencanto  desta Asociación ca Delegación de Educación.

Logo desa visita e deses encontros, o noso grupo chegou a conclusión, de que é inadmisible o retraso na terminación e entrega das obras que se están a facer no colexio, pois levan dous anos en construción e  están sen rematar totalmente, ou mal rematadas, presentando unhas deficencias que a continuación relatamos.
Preme no titulo para ler a nova completa.

Fernando Casal Tacón,voceiro do grupo municipal do Bloque Nacionalísta Galego, presenta a seguinte moción para o vindeiro pleno:

Sendo na actualidade,unha das grandes preocupacións de toda a sociedade e polo tanto tamén da vecindade de Catoira, a enorme siniestralidade que se produce nos fins de semana, especialmente na noite dos sábados, da que son victimas, principalmente, a nosa mocidade.
Tendo en conta que, en moitas zonas e vilas de Galiza, a  Consellaría da COTOP xa está financiando un trasporte público nocturno, para que os mozos e mozas non teñan que coller forzosamente o coche particular para ir aos seus lugares de ocio e logo regresar aos seus domicilios co conseguinte rísco de accidente.

O grupo municipal do BNG presenta ao Pleno da Corporación Municipal a seguinte proposta:
Que o concello faga as xestións oportunas diante da Consellaría da COTOP, para a implantación na nosa vila do servizo público de transporte nocturno "Noitebús" na noite dos sábados. Para que a mocidade de Catoira disfrute dun servizo que noutros concellos xa hai e que, en poucos meses, vaise implantar en moitos máis.

22 marzo 08. O BNG quere mostrar o seu asombro diante desta nova viaxe institucional de 15 dias, polo enorme custo que vai supor para as arcas municipais e sen que o noso grupo fora informado.

Hai aproximadamente un ano, uns meses antes das eleccións municipais, o Alcalde desprazouse a Arxentína reuníndose nun xantar con case que 200 persoas, solicitándolle fotocopia do pasaporte, para ir preparando o pucheirazo electoral que se produxo meses despois.

Os votos que chegaron desde ese país foron determinantes para que o PSOE acadara a maioría absoluta, algo que a vecindade de Catoira non lle concedeu, mudando o escenario político municipal da nosa vila, xa que sin eses votos da Arxentina o resultado sería 5 concelleiros para o BNG, 5 para o PSOE e 1 para o P.P.
Preme no titulo para ler a nova completa.

9 outubro 07. O B.NG. de Catoira, solicitará nos organismos pertinentes, que se faga a ponte do ferrocarril que estaba prevista para o AVE, sobre a desembocadura do rio Ulla- zona incluída na rede natura- para evitar o brutal impacto ambiental que suporía a ponte que agora se quere facer.

A ponte deseñada nun principio ia ser colgante, sen ningún apoio no rio e segundo o Ministerio de Fomento, estaba chamada a ser unha das pontes máis espectaculares de España. Agora, a Dirección Xeral de Ferrocarriles vennos ca rebaixa é di que non é viable. Así, o que estaba pensado e proxectado para ser a obra máis emblemática do AVE galego, remata sendo unha ponte ordinaria de celosía metálica, cunha lonxitude de 1.620 metros e un total de 12 vanos, que levará pilares de formigón no río.
Preme no titulo para ler a nova completa.

No acto intervirán tamén a conselleira de Cultura e Deporte Ánxela Bugallo, a deputada no Parlamento Galego Carme Da Silva e o actual portavoz municipal Pepe Castaño

21 marzo 07. O BNG presentará mañá nun acto público ao candidato á Alcaldía de Catoira, Nando Casal Tacón. A presentación oficial da candidatura de Nando Casal terá lugar mañá xoves, ás oito e media da tarde, no salón do Restaurante Casa Emilio de Catoira.
No acto, ademais do propio candidato intervirán a conselleira de Cultura e Deporte, Ánxela Bugallo Rodríguez, a deputada do BNG no Parlamento Galego Carme Da Silva Méndez e o actual portavoz do grupo nacionalista na Corporación Municipal de Catoira, Pepe Castaño Dios.

14 marzo 07. O dereito a unha educación pública de calidade é un dos eixos do programa político do BNG.
A implantación da Educación Infantil debe recoller as características da
dispersión xeográfica existente en Galicia.
Debe pois, ofrecer as mellores opcións para que este tramo poida chegar a
toda a poboación.
Neste momento as tres escolas infantiles de Abalo, Tarrío e Baiuca corren o
risco de que sexan pechadas pola Inspección Educativa.
Tamén temos en conta os seguintes datos:
Escola Infantil de Dimo. Tarrio
Nº de matrículas actuais 13. Previsión de novas matriculas para o novo
curso: 6
Escola Infantil da Baiuca. Oeste
Nº de matrículas actuais 13. Previsión de novas matriculas para o novo
curso: 3
Escola Infantil de Abalo.
Nº de matrículas actuais 7.
Tamén existe unha maioría de persoas afectadas, por non decir a totalidade,
que están en contra desta posibilidade.

POLO EXPOSTO ANTERIORMENTE É POLO QUE PROPOÑEMOS QUE O PLENO APROBE OS SEGUINTES ACORDOS:

- Aprobación por parte do pleno da corporación da necesidade de que estas
tres escolas infantiles sigan funcionando no futuro.
- Instar aos organismos competentes ( Delegación de Educación , Inspección
Educativa, etc) a que garantan o futuro desta Eis.
- Realizar as melloras necesarias, incluindo o contorno, para que estas Eis
reúnan as condicións óptimas para o seu funcionamento.

16 febreiro 07. O BNG de Catoira organiza unha charla dada a importancia dos seguintes temas:

• Hai pouco tempo que o noso Concello quedou incluido na denominación Viños da Terra Barbanza e Iria.
• Tamén é de vital importancia a publicación do Decreto 105/2006 sobre medidas de prevención dos incendios forestais e sobre o acordo forestal de aproveitamento da madeira.

Como queira que estes temas teñen unha relación moi estreita coas comunidades de montes, o BNG invitou ás directivas das catro CMMC.

O programa  é o seguinte:

VIÑEDO:

• Plans de reestruturación do viñedo.
• Campaña de seguros.
• Plans de sanidade vexetal.

MONTES:

• Decreto 105/2006 de prevención de incendios forestais.

Nesta charla participan e colaboran  a Asociación Forestal FROUMA,  que se encarga da divulgación de todo tipo de temas relacionados co monte e tamén da realización técnica de proxectos integrais do monte, o Sindicato Labrego Galego e a Consellería do Medio Rural.

Terá lugar o vindeiro venres 16 de febreiro ás 20 h. na casa da cultura de Dimo.

O pacto oculto e tácito entre o PSOE e o Partido Popular, millor dito entre Alberto García e Sindo Costa, por se inda quedaba algunha dúbida, púxose de manifesto e escenificouse non último Pleno celebrado o 15 deste mes e no que se trataban os orzamentos de 2007.
É curioso que a maioría dás peticións para a inclusión nos orzamentos realizadas polo PP, xa foran plantexadas en distintos plenos polo BNG e que non se cumpliron:

• Acondicionamento da Ponte Romana no pleno de decembro.
• Unha moción sobre parques infantís en maio de 2004.
• Acondicionamento dá estrada de Abalo en distintos plenos.

Preme no titulo para ler a nova completa.

Este grupo manifesta a súa tristeza e preocupación pola sentencia que condena ó Concello de Catoira a volver a convocar o concurso de adxudicación da escola infantil. Esto pode contrastar coa opinión do alcalde que manifesta estar “satisfeito” a pesares de que un xulgado lle rexeita unha decisión súa na que de xeito caciquil e chulesco manipulou un pleno para poder otorgarlle a concesión a unha familiar directa da súa tenente alcalde. Nós pensamos que a unha persoa que así se manifesta só lle poden ocurrir dúas cousas:

1. Que se está a burlar da cidadanía de Catoira, ou 
2. Que na súa cabeza hai algo que non funciona moi ben. Calquera delas, se non son as dúas á xunta, nos parecen extremadamente graves.

O grupo municipal do BNG de Catoira foi sempre contrario ó procedemento empregado polo alcalde para a concesión da gardería (constatado na mesa de contratación e no pleno), a xa lle advirteu no seu momento que semellantes irregularidades podían acabar nunha denuncia das empresas afectadas e unha nova condena contra este concello, o que non faría máis que causar serios perxuizos para a economía e sobre todo para a estabilidade e bo funcionamento da escola infantil. Por desgracia así acaba de ocurrir.
Preme no titulo para ler a nova completa.

Os camiños públicos forman parte do patrimonio cultural dos nosos pobos, ata o punto de adoptar nomes que se identificaban claramente co lugar relacionado: camiño dos Mourelos, camiño da Carballa,  camiño do Arón, etc.
Moitos destes camiños de carro deron lugar a estradas polas que actualmente nos comunicamos.

No pleno do 30 de abril de 2004, o punto 7 que se refería á permuta solicitada polo propietario de “El Mirlo Blanco”, foi denegada con 7 votos en contra, 5 do PS de G-PSOE e 2 do PP.

Existen dous informes, que figuraban na carpeta do pleno citado, tanto do secretario como da arquitecta técnica municipal que desaconsellaban esta permuta.
Preme no titulo para ler a nova completa.

O grupo municipal e agrupación local do Bloque Nacionalista Galego de Catoira, queren manifestar públicamente a súa disconformidade e rexeitamento aos continuos incumplimentos de convocatoria de Plenos Ordinarios por parte do alcalde de Catoira. Ultimamente están a proliferar o que el chama “retraso conforme á lei” aducindo que non hai materia para tratar nos mesmos. Esta argumentación resulta ser completamente falsa, en tanto que nos consideramos que hai materia de sobra para levar aos mesmos. A proba está en que, por exemplo,  netes dous últimos meses en que suspendeu os plenos ordinarios convocáronse en troques dous Plenos Extraordinarios cargados de temas e contido....

...Recordemos tamén que este alcalde, no boletín informativo do seu partido do mes de Xuño, fixo pública unha lista de veciños de Catoira, con nomes e apelidos, que asistiron a un Pleno Extraordinario que el convocou ás 2 da tarde, tratando así de disuadir aos traballadores de Catoira da asistencia ao mesmo, pois prevía que ía ser un Pleno no que a oposición o ía deixar en evidencia por ter mentido no tema de Pedras Miúdas. Sacou nomes e apelidos dos cidadáns afíns ao BNG, pero non os do seu grupo que tamén estaban presentes. A finalidade desta publicación (que nos recorda no ano 2006 os tempos de Mcarthy e a “caza de bruxas” nos Estados Unidos) é claramente disuasoria, impropia dunha mente nos seus cabales e típica dun alcalde que por algo ten fama en toda a comarca de dictador e antidemocrático, cualidades ás que agora achega as de un desquiciamento progresivo e compulsivo, porque ve a proximidade das eleccións e sabe que cotiza moi á baixa...
Preme no titulo para ler a nova completa.

Nos arquivos engadidos podedes ler as mocións presentadas polo BNG de Catoira no Pleno do Concello de Catoira.

1. Plan de recuperación dos muiños de auga do concello de CATOIRA coa posta en funcionamento dos mesmos.
2. Protección, limpeza, conservación e mellora dos ríos e regatos de todo o Concello de Catoira.

Diante do anuncio por parte do Alcalde de Catoira da financiación tanto do transporte como das entradas para o festival de Paredes de Coura, (Portugal) incluso o transporte para persoas doutros municipios, o BNG de Catoira fai as seguintes reflexións:

• O grupo de goberno carece por completo dun programa cultural e musical que dea cobertura ás prioridades da mocidade do noso municipio.
• Como consecuencia, gasta os cartos dos nosos impostos en promocionar festivales organizados por outros concellos.
• Realiza un flaco favor a sectores como o comercio e a hostalería de Catoira, posto que o mencionado festival terá lugar nunhas datas (14 a 17 de agosto), nas que a iniciativa do goberno municipal debería pasar por ofertar actividades para que Catoira fose centro de destino de turistas.
• Desprestixia a Romaría Vikinga por non ofertar e promocionar un festival que cubra todas as expectativas que se demandan.

GRUPO MUNICIPAL BNG CATOIRA

O grupo municipal do BNG de Catoira mantivo unha reunión de traballo co Delegado Provincial de Medio Rural de Pontevedra, Gonzalo Constenla, na que se estudaron diversos temas, entre eles as necesidades do concello con vistas á distribución de obras dentro do PLAN ESTRATÉXICO DE INVESTIMENTOS DO MEDIO RURAL. Tamén se comentaron outros relativos a montes, concentración parcelaria... Esta reunión está en marcada dentro das constantes xornadas de traballo que o grupo municipal do BNG de Catoira está a levar a cabo coas distintas Delegacións da Xunta, así como con outras institucións, co obxetivo de dinamizar a actividade municipal do Concello.