27 xuño 08. Víctor Manuel Caamaño Rivas, portavoz do grupo municipal do Bloque Nacionalista Galego no concello de Cambados, presenta, por vía de urxencia, para ser tratada no pleno de hoxe, a seguinte MOCIÓN:

Hai uns días apareceu nos medios de comunicación a noticia de que o Pazo de Baión, que fóra confiscado no seu día no marco dunha operación antidroga; foi adquirido pola adega cooperativa cambadesa “Condes de Albarei”, despois de participar nunha poxa convocada polas autoridades xudiciais.
Esta noticia foi moi ben recibida en Cambados e en toda a comarca, pois ponse fin á incerteza sobre o futuro dunha explotación vitivinícola que, durante moitos anos, estivo desgraciadamente unida á lacra do comercio da droga.
Para nós, como cambadeses, ten que ser unha satisfacción e un orgullo que dúas empresas do noso concello, que ademais son cooperativas que representan a varios centos de familias, se interesasen por lavar a imaxe e poñer en valor un negocio que outro cambadés desprestixiou coa súa reprobable conduta.
Preme no titulo para ler a nova completa.

17 xuño 08. O Goberno Municipal de Cambados está incumprindo un acordo plenario e deslexitimando un órgano (Comisión Organizadora) creado por unanimidade dos grupos municipais coa finalidade de acadar a máxima pluraridade e  participación cidadá na organización dun evento cultural de gran importancia para o noso Concello, como é a celebración do Ano Cabanillas 2009.
Ningún sentido ten xa a creación dunha Comisión Organizadora dun evento se este xa está organizado.

O BNG esixe ser tido en conta na organización do Ano Cabanillas 2009, ao igual co resto dos cidadáns e sectores implicados, como se acordou no Pleno Extraordinario de novembro. Somos coñecedores de que en Cambados hai persoas e organizacións con ideas e iniciativas moi interesantes e que non se debe desperdiciar a súa colaboración.

Se desde o Concello non se vai a contar con nos na celebración do cincuentenario da morte de Ramón Cabanillas, o BNG non deixará de homenaxear a este escritor e poeta emblemático de Cambados o próximo ano 2009.

16 maio 07. O BNG expón a situación na que se encontran algúns contedores nos puntos de recollida dos residuos portuarios dos portos de San Tomé e Tragove, en Cambados.
En San Tomé encóntranse cheos os seguintes contedores: os de madeiras e palets, cartón, vidro, cabos e aparellos, así como o de aceites e filtros onde, tamén, se acumulan a súa beira cinco garrafas cheas de aceite. Ademais, no crebaondas deste porto estanse a depositar moitos restos de aparellos e cabos a modo de vertedoiro incontrolado.
Preme no titulo para ler a nova completa.

3 maio 08. A construcción dunha planta de engorde de rodaballo no porto de Tragove creou unha certa preocupación no sector marisqueiro de Cambados, pola posible repercusión que esta podería ter sobre os bancos marisqueiros próximos ao lugar da súa ubicación. Como consecuencia o grupo municipal do BNG  trasladou unha serie de preguntas ao pleno do concello sobre o estudio de impacto ambiental presentado e sobre o permiso do Concello para a súa construcción. Así mesmo solicitóuselle ao parlamentario do BNG , Bieito Lobeira, que preguntara no Parlamento Galego sobre as medidas que esta empresa adoptaría para impedir os posibles impactos contaminantes sobre os bancos marisqueiros do litoral cambadés.
Preme no titulo para ler a nova completa.

19 abril 08. Víctor Caamaño Rivas, portavoz do grupo municipal do Bloque Nacionalista Galego, presenta para a súa contestación no vindeiro Pleno do luns 21 de abril as seguintes PREGUNTAS:
O venres 18 de abril tivo lugar  en Cambados o acto institucional da firma do contrato das obras de rehabilitación do barrio de San Francisco. A dito acto, no que a Consellería de Vivenda estivo representada polo Delegado Provincial, foron invitados os representantes dos tres grupos municipais. A invitación foi cursada vía fax desde a Delegación Provincial da Consellería de Vivenda ao Concello, para que o goberno municipal a trasladara aos interesados. Por todo isto preguntamos:
1.- ¿ Por que aos concelleiros da oposición non se lles avisou, desde o Concello, da existencia da invitación a dito acto?
2.- ¿Por que  non asistíu ningún representante do Goberno Municipal, a pesar de estar invitados pola Consellería de Vivenda?

O indubidable atractivo turístico do entorno do Pazo e Praza de Fefiñáns é un dos principais causantes de que, desde hai xa moito tempo, numerosos autocares con visitantes estacionaran nos terreos da Merced  para visitar este entorno. A recente urbanización do antigo campo de futbol da Merced fai, agora imposible, a utilización destes terreos para esta finalidade, polo que preguntamos:
3.- ¿Onde estacionarán a partir de agora os autocares que se acheguen a visitar o entorno de Fefiñáns?

Víctor Caamaño Rivas, portavoz do Grupo Municipal do BNG no Concello de Cambados,

EXPÓN: que no Pleno Extraordinario do 9 de novembro de 2007 aprobouse por unanimidade unha moción presentada polo PP sobre a celebración do ANO CABANILLAS 2009; en dita moción incluíuse a seguinte enmenda presentada polo grupo municipal do BNG:

Punto 2º da moción.-

• Crear unha Comisión Organizadora dos actos do Ano Cabanillas 2009 que recolla as propostas dos diferentes sectores. Estaría integrada por Institucións Académicas (universidades, centros de ensino), Políticas (Comisión Informativa de Cultura, Xuventude e Deportes, Consellerías, Deputación), Culturais (Asociacións culturais, de ensinantes), Sociais (Asociacións de veciños, Confraría) e representantes da Familia Cabanillas.

• A execución dos actos propostos por esta Comisión recaería na Comisión Informativa de Cultura, Xuventude e Deportes.

A diversidade de sectores que formarían esta Comisión aseguraría unha gran variedade e riqueza de propostas culturais a realizar no 2009 ao redor da figura de Cabanillas e ademais implicaría a un gran número de cambadeses na participación en ditos actos, co cal o éxito deste evento estaría asegurado.
Cómpre darse presa na constitución da Comisión, pois xa estamos no mes de abril e a elaboración e programación dos actos necesitan un tempo de antelación suficiente para evitar presas a última hora.

SOLICITA: que se constitúa canto antes a Comisión Organizadora dos actos culturais a celebrar no Ano Cabanillas 2009.

O PP do Salnés quere agachar o prestixio e a calidade do noso viño meténdoo no medio duns supostos “vinos de España”

4 abril 08. Nos últimos días o senador do PP Cores Tourís cos seus ataques á política da Consellaría do Medio Rural dirixida polo nacionalista Suárez Canal, veunos a dar unha mostra máis da súa incapacidade de xestión e da súa falla de compromiso co sector do viño; e non o decimos por decir senón que os dados constatábeis están aí:

• Estamos a falar dun señor que supostamente é o grande defensor dos nosos viños en Madrid e foi incapaz de apresentar unha soa proposta relacionada co viño nos últimos catro anos no Senado...

Preme no titulo para ler a nova completa.

Ao concurso público convocado o pasado mes de decembro presentáronse 13 empresas, resultando adxudicataria GPD Construcciones que dispón dun prazo de tres meses para a execución das obras

5 marzo 08. A Consellería de Vivenda e Solo, que dirixe a nacionalista Teresa Táboas, adxudicou por 506.786 euros as obras de rehabilitación de cinco bloques de vivendas no Barrio de San Francisco no Concello de Cambados. A empresa adxudicataria dispón dun prazo de tres meses para a execución das obras, unha vez asinado o contrato.

Ao concurso público convocado pola Consellería de Vivenda e Solo o pasado mes de decembro presentáronse un total de 13 empresas, resultando adxudicataria GPD Construcciones por formular a proposición máis vantaxosa no seu conxunto, tendo en conta que a mesa de contratación valorou a proposta económica e técnica, a planificación do traballo e o equipo humano dispoñible.
Preme no titulo para ler a nova completa.

Charla informativa sobre o Banco de Terras de Galiza. No transcurso do acto realizarase unha presentación do Bantegal, resolveranse as dúbidas dos asistentes e entregarase material divulgativo
Cambados Centro de Desenvolvemento Comarcal do Salnés Presenta: Gonzalo Constenla, delegado provincial do Medio Rural Intervén: Xosé Carballido Presas, director xeral de Estruturas e Infraestruturas Agrarias	Xoves, 14 de febreiro Ás 20:00 h.

Quintana pede que 'pensemos agora durante un mes en Galiza e nos seus intereses, e logo será o BNG quen os defenda durante catro anos en Madrid' e Olaia Fernández asegura que o obxectivo do BNG nestas elecións é aumentar o peso político de Galiza no Estado “para que sexa protagonista”

31 xaneiro 07. A Delegada Montse Prado acompaña do Delegado de Medio Rural e do Xerente da Galicia Calidade informaron aos adegueiros do procedemento para poder ter o certificado de Galicia Calidade.

O pasado xoves os políticos nacionalistas mantiveron unha reunión con máis de trinta adegueiros de Rías Baixas, a maioría da comarca do Salnés, aos que informaron de todo o referido ao certificado Galicia Calidade.

Montse Prado, enmarcou a iniciativa na liña de traballo da Consellería de Innovación e Industria, á que pertence Galicia Calidade, para valorizar os nosos produtos e en concreto o viño Rías Baixas; e salientou  que hoxe a certificación Galicia Calidade é unha garantía no mercado,  e por tanto trae consigo unha confianza para os consumidores e consumidoras e un valor engadido para o sector produtivo.

• As empresas interesadas poderán presentar as súas propostas a partir de mañá e ata o vindeiro día 14 de xaneiro no rexistro da sede da Consellería en Santiago de Compostela, tal e como se recolle no anuncio publicado hoxe no DOG

17 decembro 07. A Consellería de Vivenda e Solo, que dirixe a nacionalista Teresa Táboas, licita por 596.290 euros a contratación das obras de rehabilitación do barrio de San Francisco no Concello de Cambados. Tal e como se recolle no anuncio publicado hoxe no Diario Oficial de Galicia, as empresas interesadas poderán presentar as súas propostas a partir de mañá día 18 de decembro e ata o vindeiro día 14 de xaneiro de 2008 no rexistro dos servizos centrais da Consellería en Santiago de Compostela.
Preme no titulo para ler a nova completa.

16 decembro 07. A Vicepresidencia da Xunta de Galicia mostra a súa máis enérxica repulsa polo caso de violencia de xénero ocorrido en Cambados, no que resultou morta unha muller polo disparo da súa ex parella. A violencia contra as mulleres constitúe unha lacra moi complexa que deriva nunha das máis graves e intolerables violacións dos dereitos humanos; por iso, dende a Vicepresidencia remárcase o compromiso na loita contra esta violencia e a busca de medios e alternativas que permitan ás mulleres galegas o exercicio dos seus dereitos como cidadás nun estado democrático.

Dende a a Secretaría Xeral da Igualdade pretende trasladarse a mensaxe clara e rotunda do mantemento dunha belixerancia activa contra a violencia de xénero para o que se están a desenvolver día a día medidas dirixidas a apoiar ás mulleres que en Galiza se atopan nesta situación.

A Vicepresidencia da Xunta sigue puntualmente o suceso e xa se puxo a disposición da subdelegación do Goberno na provincia de Pontevedra para ofrecerlle o apoio psicolóxico e de tipo social que poidan precisar os fillos e familiares da vítima.
Preme no titulo para ler a nova completa.

• A mostra amosa a vida do crego e sindicalista agrario coñecido popularmente coma  "o cura das Encrobas".
• A Sociedade para o Desenvolvemento Comarcal de Galiza colabora coa Irmandade Moncho Valcarce na organización desta iniciativa.

15 decembro 07. O Centro de Desenvolvemento Comarcal do Salnés, en Cambados, acolle dende maña a exposición "Moncho Valcarce: unha vida de compromiso". A mostra poderáse visitar ata o 31 de decembro.

A vida do crego e sindicalista agrario, Moncho Valcarce, explícase a través dos 25 paneis que conforman a exposición. O obxectivo é achegarlle á sociedade a figura de quen foi coñecido popularmente coma "o cura das Encrobas", debido á súa implicación na loita labrega protagonizada polos veciños desta parroquia de Cerceda contra unha empresa eléctrica, no ano 1977.

A mostra achéganos tamén ata as mobilizacións labregas de finais do franquismo e de comezos da transición española, que marcaron o precedente para movementos actuais coma o da defensa do medio ambiente, o sindicalismo agrario ou mesmo a creación dos organismos básicos do nacionalismo galego que hoxe coñecemos como foron a AN-PG, o BN-PG ou os Comités de Axuda á Loita Labrega.
Preme no titulo para ler a nova completa.

11 decembro 07. O BNG de Cambados presenta no Concello unha moción para que realice unha campaña de promoción e divulgación do Punto Limpo.
Preme no arquivo engadido para ler a moción.

Bieito Lobeira lembra que de non ser posíbel a compatibilización, o marisqueo sempre deberá prevalecer sobre calquera proposta industrial

3 decembro 07. O grupo parlamentar do BNG, a través do seu deputado Bieito Lobeira, vén de preguntar polas medidas que se van adoptar en defensa da produción marisqueira ante a previsión de instalación dunha planta de engorde de rodaballo en Tragove (Cambados).
Preme no titulo para ler a nova completa.

O pasado venres 30 de novembro, o BNG do Salnés celebrou o seu XXV Aniversario cunha multitudinaria cea comarcal, nela a militancia e todas aquelas persoas que ao longo do ano construímos nacionalismo na comarca do Salnés reafirmamos o noso compromiso con Galiza.

1 decembro 07. Militantes do Salnés que participaron no 1982 na fundación do BNG e outros moitos que se foron incorporando ao longo destes vintecinco anos, compartimos unha cea de confraternidade; unha cea na que houbo tempo para lembrar como éramos hai vintecinco anos e para valorar o longo percorrido feito polo nacionalismo na nosa comarca.
Compañeiros e compañeiras que ao longo destes anos veñen aportando o mellor de si mesmos a erguer esta realidade que é o BNG, na súa vida diaria, no seu labor profesional, no movimento asociativo, no sindicalismo, como concelleiros e concelleiras, pegando cartaces, convencendo a outros, participando en manifestacións, reuníndose con colectivos, etc..., festexaron que o nacionalismo  hoxe é determinate en Galiza.
Preme no titulo para saber máis da festa.
EN BREVE PUBLICAREMOS NA WEB UNHA AMPLA REPORTAXE GRÁFICA DESTE ACTO.

A deputada do BNG lembra os 300.000 euros logrados polos nacionalistas galegos para o acondicionamento da franxa litoral de Tragobe

Madrid, 7 Novembro 07. A deputada do BNG no Congreso dos Deputados, Olaia Fernández Davila, explicou nunha conferencia pronunciada en Cambados que "os incrementos que as partidas destinadas a Galiza nos Orzamentos Xerais do Estado veñen experimentando nos últimos tres anos, e en concreto para o 2008, débenlle moito ao empeño, o esforzo, a insistencia e o traballo do BNG no Parlamento do Estado".

As negociacións do portavoz do BNG no Congreso dos Deputados Francisco Rodríguez co goberno español destinan 300.000 euros para o acondicionamento de parte da franxa litoral da nosa comarca

29 outubro 07. No marco das negociacións de partidas destinadas a Galiza para incluir nos orzamentos do estado para o 2008 o BNG consigueu que o goberno español concretara nas partidas adicionais adicadas á nosa nación unha de 300.000 euros destinada a acondicionar a franxa litoral desde Tragove en Cambados até a ponte da Illa de Arousa.

Coa inclusión desta partida, que foi plantexada ao grupo parlamentar do BNG en Madrid polo BNG do Salnés, pretendemos que se siga a liña iniciada pola nosa organización hai xa anos de buscar que o goberno central destine importantes partidas económicas á mellora, acondicionamento e rexeneración de todo o contorno costeiro da ría de Arousa.
Preme no titulo para ler a nova completa.

Anxo Quintana estivo acompañado polo Conselleiro do Medio Rural Alfredo Suaárez Canal, a Delegada de Innnovación e Industria, os Delegados e Vicepresidencia e Medio Rural, o portavoz municipal do BNG de Cambados e diversos cargos públicos do BNG do Salnés.

27 outubro 07. O vicepresidente da Xunta, Anxo Quintana, explicou hoxe que 3.500 viticultores galegos poderán beneficiarse da liña de cobro anticipado de uva para as castes amparadas por contratos homologados. Durante a súa intervención na celebración do Día do Socio da Cooperativa Martín Códax, da que foi nomeado Amigo de Honra nun acto ao que tamén asistiu o conselleiro do Medio Rural, Quintana lembrou que por primeira vez os socios das cooperativas vitivinícolas, e non só os viticultores individuais, poderán acollerse ao pagamento adiantado da uva de castes, o que supón uns 2.400 novos perceptores. Para esta medida, que se instrumenta mediante convenio da Consellería do Medio Rural co IGAPE, hai establecido un crédito inicial de 15 millóns de euros nos orzamentos do vindeiro exercicio.
Preme no titulo para ler a nova completa.

14 setembro 07. A nacionalista Montse Prado foi quen abreu oo venres a VI Edición da Festa da Vieira, que se celebrará entre o 14 e o 16 de setembro no Pazo de Torrado.

A Delegada Montse Prado felicitou aos organizadores da Festa a Asociación de Hosteleiros de Cambados e a Confraría de Pescadores, animándoos a seguir colaborando no desenvolvimento da gastronomía, do turismo e de Cambados no seu conxunto; colaboración que traerá beneficios tanto para o sector produtor da vieira como para o sector da hostelaría.

A Consellaría de Industria subvencionou a carpa de degustación instalada nos xardíns do Pazo de  Torrado a través dunha colaboración coa Asociación de Hosteleiros local, colaboración que a Delegada amosou o seu desexo de que a colaboración entre os hosteleiros e a Consellaría se amplíe no futuro con novas iniciativas.

O BNG do Salnés denuncia que unha vez máis o Presidente Provincial do PP fai promesas baleiras co obxectos de agachar os graves problemas polos que pasa o seu partido como consecuencia das irregularidades descubertas nas últimas semanas.

02 agosto 07. Hoxe sorpréndenos Rafael Louzán cunhas declaracións ao Diario de Arousa anunciándonos unha suposta “conversa importante co rector da Universidade de Vigo” na que según el falaron da futura doración dun “ciclo medio de enoloxía” para a provincia.

Diante destas declaracións, e co obxecto de que a opinión pública estea verdadeiramente informada,  o Consello Comarcal do BNG quere manifestar que desta vez o señor Louzán esbarou ben esbarado, porque:...
Preme no titulo para ler a nova completa.

As conselleiras de Vivenda, Cultura e Industria asinarán en breve cos propietarios do pazo un convenio de cesión de uso que permitirá a valorización da praza e a súa recuperación para o disfrute do público
A conselleira de Vivenda aplaude e refrenda o compromiso do candidato do BNG Víctor Caamaño de peonalizar a praza tras acceder á Alcaldía, “unha aspiración de moitos cambadeses dende hai dúas décadas”

21 maio 07. “Un acordo e un proxecto histórico. Polo emblemático do lugar e polas características do mesmo”. Deste xeito definiu esta tarde a conselleira de Vivenda  Teresa Táboas o convenio, xa practicamente rematado, que permitirá a recuperación para a cidadanía da praza de Fefiñáns.
Preme no titulo para ler a nova completa.